ಲಘುವಾಯುಸ್ತುತಿಃ laghu vayustuti

 ॥ ಲಘುವಾಯುಸ್ತುತಿಃ ॥

ವಾಸುದೇವಂ ಸದಾನಂದತೀರ್ಥಾನಂದಸಂದೋಹಸಂದಾನಶೀಲಮ್  ।
ಸ್ವಾಮಿನಂ ಸಚ್ಚಿದಾನಂದರೂಪಂ ನಂದಯಾಮೋವಯಂ ನಂದಸೂನುಮ್  ॥ 1॥

ಶ್ರೀಹನೂಮಂತಮೇಕಾಂತಭಾಜಂ ರಾಘವಶ್ರೀಪದಾಂಭೋಜಭೃಂಗಮ್  ।
ಮಾರುತಿಂ ಪ್ರಾಣಿನಾಂ ಪ್ರಾಣಭೂತಂ ನಂದಯಾಮೋವಯಂ ನಂದಿತೀರ್ಥಮ್  ॥ 2॥

ಭೀಮರೂಪಂ ಪರೋ ಪೇಯಿವಾಂಸಂ ಭಾರತಂ ಭಾರತಶ್ರೀಲಲಾಮಮ್  ।
ಭೂಭರಧ್ವಂಸಿನಾಂ ಭಾರತೀಶಂ ನಂದಯಾಮೋವಯಂ ನಂದಿತೀರ್ಥಮ್  ॥ 3॥

ದೇವಚೂಡಾಮಣಿಂ ಪೂರ್ಣಬೋಧಂ ಕೃಷ್ಣಪಾದಾರವಿಂದೈಕದಾಸಮ್  ।
ಚಿತ್ತಚಿಂತಾಮಣಿಂ ಪುಣ್ಯಭಾಜಾಂ ನಂದಯಾಮೋವಯಂ ನಂದಿತೀರ್ಥಮ್  ॥ 4॥

ಮಾಯಿಗೋಮಾಯುಮಾಯಾಂಧಕಾರ ಧ್ವಂಸಮಾರ್ತಾಂಡ ಮೂರ್ತೀಯಮಾನಮ್  ।
ಸಜ್ಜನಾನಂದಸಂದೋಹಧೇನುಂ ನಂದಯಾಮೋವಯಂ ನಂದಿತೀರ್ಥಮ್  ॥ 5॥

ಇಂದಿರಾನಂದಮಾನಂದಮೂರ್ತಿಂ ಸುಂದರೀಮಂದಿರಾಮಿಂದುಕಾಂತಿಮ್  ।
ದಾಸಮೇಕಂ ತಥಾ ತತ್ತ್ವರೂಪಂ ನಂದಯಾಮೋವಯಂ ನಂದಿತೀರ್ಥಮ್  ॥ 6॥

          ಇತಿ ಶ್ರೀಕಲ್ಯಾಣೀದೇವೀ ವಿರಚಿತಂ
          ಲಘುವಾಯುಸ್ತುತಿಃ ಸಮ್ಪೂರ್ಣಮ್
          ॥ ಭಾರತೀರಮಣಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು ॥