ಏಕೆ ಮುರ್ಖನಾದೆ - ಮನುಜಾ

ಏಕೆ ಮುರ್ಖನಾದೆ - ಮನುಜಾ

ಏಕೆ ಮುರ್ಖನಾದೆ ? ಪ.

ಏಕೆ ಮೂರ್ಖನಾದೆ ನೀನು

ಕಾಕು ಬುದ್ಧಿಗಳನು ಬಿಟ್ಟು

ಲೋಕನಾಥನ ನೆನೆಯೊ ಮನುಜಾ ಅಪ

ಮಕ್ಕಳು ಹೆಂಡರು ತನ್ನವರೆಂದು

ರೊಕ್ಕವನು ಗಳಿಸಿಕೊಂಡು

ಸೊಕ್ಕಿಂದ ತಿರುಗುವರೇನೊ ಹೇ ಮನುಜಾ 1

ಕಕ್ಕಸದ ಯಮದೂತರು ಬಂದು

ಲೆಕ್ಕವಾಯಿತು ನಡೆಯೆಂದರೆ

ಸಿಕ್ಕವರೆಲ್ಲ ಬಿಡಿಸುವರೇನೊ ಹೇ ಮನುಜಾ 2

ಅರಿಷಡ್ವರ್ಗದ ಆಟವ ಬಿಟ್ಟು

ಪುರಂದರವಿಠಲನ ಹೊಂದಲುಬೇಕು

ಹರಿಯನು ಸೇರುವ ಮಾರ್ಗವ ನೋಡೋ ಹೇ ಮನುಜಾ 3