ಕಂದ ಹಾಲ ಕುಡಿಯೊ-ನಮ್ಮ ಗೋ-|ವಿಂದ

ಕಂದ ಹಾಲ ಕುಡಿಯೊ-ನಮ್ಮ ಗೋ-|

ವಿಂದ ಹಾಲ ಕುಡಿಯೊ ಪ

ವೃಂದಾವನದೊಳು ಬಳಲಿ ಬಂದೆಯೊ ರಂಗ ಅ.ಪ

ಶೃಂಗಾರವಾದ ಗೋವಿಂದ-ಚೆಲುವ |

ಪೊಂಗೊಳಲೂದುವ ಚೆಂದ ||

ಅಂಗನೆಯರ ಒಲುಮೆಯಿಂದ-ನಮ್ಮ |

ಮಂಗಳಮೂರತಿಯ ಮೋರೆ ಬಾಡಿತಯ್ಯ 1

ಆಕಳೊಡನೆ ಹರಿದಾಡಿ-ನಮ್ಮ |

ಶ್ರೀಕಾಂತ ಗೆಳೆಯರ ಕೂಡಿ ||

ಲೋಕವ ಈರಡಿ ಮಾಡಿ-ನಮ್ಮ |

ಸಾಕುವ ಪಾದವು ಬಳಲಿದುವಯ್ಯ 2

ಸದಮಲ ಯೋಗಿಗಳೆಲ್ಲ-ನಿನ್ನ |

ಪದವ ಬಣ್ಣಿಸುತಿಪ್ಪರೆಲ್ಲ ||

ಯದುಕುಲ ಚೌಪಟ ಮಲ್ಲ-ಹಾಲ |

ಹದನು ವಿೂರಿತಯ್ಯ ಪುರಂದರವಿಠಲ 3