ಏನು ಬೇಡಲಿ ನಿನ್ನ ಹರಿಯೆ

ಏನು ಬೇಡಲಿ ನಿನ್ನ ಹರಿಯೆ ಪ

ಏನ ಬೇಡಲಿ ನಿನ್ನ ಚಂಚಲ ಕಠಿಣನ |

ಮಾನದಿಂದ ಮೋರೆ ಓರೆಮಾಡುವನ ಅ.ಪ

ಕರುಳಹರಕನ - ಏನ ಬೇಡಲಿ |

ತಿರಿದು ತಿಂಬುವನ ||

ಕೊರಳಗೊಯ್ಕ ಅರಣ್ಯ ತಿರುಗವನ ಮೊ - |

ಸರು ಬೆಣ್ಣೆ ಕದ್ದು ತಿಂಬವನ1

ವಾಸಶೂನ್ಯನ - ಬೇಡಲೇನು ಕತ್ತಿ - |

ಬೀಸಿ ಸವರುವನ ||

ಕಾಸುವೀಸವನೆಲ್ಲ ಮೀಸಲು ಮಾಡಿಟ್ಟು |

ಕೇಸಕ್ಕಿ ಉಂಡುಂಡು ವಾಸಿಸುವನ 2

ಬೇಡಿದರೆ ಕೊಡನ - ಮೋರೆನೋಡಿ |

ಭಿಡೆಯ ಹಿಡಿಯದವನ |

ಬಡವರ ಕರೆತಂದು ಅಡಿಗೆ ಸೇರಿಸಿಕೊಂಡ |

ಒಡೆಯ ಪುರಂದರವಿಠಲದೊರೆಯ 3