ಆಂಜನೇಯ ಗಾಯತ್ರಿ , ಧ್ಯಾನಂ , ತ್ರಿಕಾಲ ವಂದನಂ anajaneya gayatri dhyana trikala

ಶ್ರೀ ಆಂಜನೇಯ ಸ್ವಾಮೀ ಪರದೇವತಾಭ್ಯೋ ನಮಃ
ಧ್ಯಾನಮ್
ಉದ್ಯದಾದಿತ್ಯ ಸಂಕಾಶಂ ಉದಾರ ಭುಜ ವಿಕ್ರಮಮ್ ।
ಕನ್ದರ್ಪ ಕೋಟಿ ಲಾವಣ್ಯಂ ಸರ್ವ ವಿದ್ಯಾ ವಿಶಾರದಮ್ ॥
ಶ್ರೀ ರಾಮ ಹೃದಯಾನಂದಂ ಭಕ್ತ ಕಲ್ಪ ಮಹೀರುಹಮ್ ।
ಅಭಯಂ ವರದಂ ದೋರ್ಭ್ಯಾಂ ಕಲಯೇ ಮಾರುತಾತ್ಮಜಮ್ ॥
ಅಂಜನಾನನ್ದನಂ ವೀರಂ ಜಾನಕೀ ಶೋಕನಾಶನಮ್ ।
ಕಪೀಶಂ ಅಕ್ಷಹನ್ತಾರಂ ವನ್ದೇ ಲಂಕಾ ಭಯಂಕರಮ್ ॥
ಆಂಜನೇಯಂ ಅತಿಪಾಟಲಾನನಂ ಕಞನಾದ್ರಿ ಕಮನೀಯ ವಿಗ್ರಹಮ್ ।
ಪಾರಿಜಾತ ತರುಮೂಲ ವಾಸಿನಂ ಭಾವಯಾಮಿ ಪವಮಾನ ನನ್ದನಮ್ ॥
ಉಲ್ಲಂಘ್ಯ ಸಿನ್ಧೋಃ ಸಲಿಲಂ ಸಲೀಲಂ ಯಸ್ಶೋಕ ವಹ್ನಿಂ ಜನಕಾತ್ಮಜಾಯ ।
ಆದಾಯ ತೇನೈವ ದದಾಹ ಲಂಕಾಂ ನಮಾಮಿ ತಂ ಪ್ರಾನ್ಜಲಿರಾಂಜನೇಯಂ ॥
ಅತುಲಿತ ಬಲಧಾಮಂ ಸ್ವರ್ಣ ಶೈಲಾಭದೇಹಮ್
ದನುಜವನ ಕೃಶಾನಂ ಜ್ಞಾನಿನಾಂ ಅಗ್ರಗಣ್ಯಮ್ ।
ಸಕಲ ಗುಣ ನಿಧಾನಂ ವಾನರಾಣಾಂ ಅಧೀಶಮ್
ರಘುಪತಿ ಪ್ರಿಯ ಭಕ್ತಂ ವಾತ ಜಾತಂ ನಮಾಮಿ ॥
ಗೋಶ್ಪದೀಕೃತ ವಾರಶಿಂ ಮಶಕೀಕೃತ ರಾಕ್ಷಸಾಮ್ ।
ರಾಮಾಯಣ ಮಹಾಮಾಲಾ ರತ್ನಂ ವನ್ದೇ ಅನಿಲಾತ್ಮಜಮ್ ॥
ಯತ್ರ ಯತ್ರ ರಘುನಾಥ ಕೀರ್ತನಂ ತತ್ರ ತತ್ರ ಕೃತ ಮಸ್ತಕಾಂಜಲಿಮ್ ।
ಭಾಶ್ಪವಾರಿ ಪರಿಪೂರ್ಣ ಲೋಚನಂ ಮಾರುತಿಂ ನಮತ ರಾಕ್ಷಸಾನ್ತಕಮ್ ॥
ಅಮಿಷೀಕೃತ ಮಾರ್ತಂದಂ ಗೋಶ್ಪದೀಕೃತ ಸಾಗರಮ್ ।
ತೃಣೀಕೃತ ದಶಗ್ರೀವಂ ಆಂಜನೇಯಂ ನಮಾಮ್ಯಹಮ್ ॥
ಮನೋಜವಂ ಮಾರುತ ತುಲ್ಯ ವೇಗಂ
ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ್ ।
ವಾತಾತ್ಮಜಂ ವಾನರ ಯೂಥ ಮುಖ್ಯಂ
ಶ್ರೀ ರಾಮದೂತಂ ಶಿರಸಾ ನಮಾಮಿ ॥
ಆಂಜನೇಯ ಗಾಯತ್ರಿ
ಓಂ ಆಂಜನೇಯಾಯ ವಿದ್ಮಹೇ ವಾಯುಪುತ್ರಾಯ ಧೀಮಹಿ ।
ತನ್ನೋ ಹನುಮತ್ ಪ್ರಚೋದಯಾತ್ ॥