ಆರ ಹಾರೈಸಿದರೇನುಂಟು Aara haraisidarenuntu

ಆರ ಹಾರೈಸಿದರೇನುಂಟು - ಉರಿ

ನೀರ ಕಡೆದರಲ್ಲೇನುಂಟು ? ಪ.

ಅಂತರವರಿಯದ ಅಧಮನ ಬಾಗಿಲ

ನಿಂತು ಕಾಯ್ದರಲ್ಲೇನುಂಟು

ಎಂತಾದರಲ್ಲಿಯ ತುಪ್ಪ ಸಾಧಿಸಿ ಯಮ

ನಂತೆ ಕೊಲುವರಲ್ಲೇನುಂಟು ? 1

ಕೊಟ್ಟೆ - ಕೊಟ್ಟೆನೆಂದು ಕೊಡದುಪಚಾರದ

ಭ್ರಷ್ಟನ ಸೇರಿದರೇನುಂಟು

ಬಿಟ್ಟೆಯ ಮಾಡಿಸಿ ಬೆದರಿಸಿ ಬಿಡುವ ಕ

ನಿಷ್ಟನ ಸೇರಿದರೇನುಂಟು ? 2

ಪಿಸುಣನ ಕುದುರೆಯ ಮುಂದೋಡಲು ಬಲು

ಬಿಸಿಲಿನ ಹಣ್ಣಲ್ಲದೇನುಂಟು

ವಸುಧೆಯೊಳಗೆ ಪುರಂದರವಿಠಲನ ಭ

ಜಿಸಲು ಮುಕ್ತಿಸಾಧನವುಂಟು 3