ಇಂಥಾತನು ಗುರುವಾದದ್ದು intatanu guruvadaddu

ಇಂಥಾತನು ಗುರುವಾದದ್ದು ನಮಗೆ ಇ-

ನ್ನೆಂಥಾ ಪುಣ್ಯದ ಫಲವೊ. ಪ

ಚಿಂತೆಯಿಲ್ಲದೆ ಅತಿ ಸುಲಭದಿಂದಲಿ ಶ್ರೀ

ಕಾಂತನ ಕಾಣಲಿಕ್ಕಾಯಿತುಪಾಯ ಅ.ಪ

ತಾನು ಇಲ್ಲದೆ ಈ ಜಗದೊಳು ಹರಿಯಿಪ್ಪ

ಸ್ಥಾನವಿಲ್ಲವೆಂದು ಸಾರಿದ

ಹೀನ ದೈವಗಳ ನಂಬಿದ ಜನರಿಗೆ ತನ್ನ

ಙÁ್ಞನದಿಂದಲಿ ಹರಿಯ ತೋರಿದ ||

ನಾನಾ ಜೀವಿಗಳ ಒಳಗೆ ಹೊರಗೆ ಇದ್ದು

ತಾನೇ ಮುಖ್ಯನಾಗಿ ಮೀರಿದ |

ಶ್ರೀನಾರಾಯಣನೆಂದು ಪೇಳುವರಿಗೆ ತನ್ನ

ಧ್ಯಾನದಿಂದಲಿ ಮುಕ್ತಿಮಾರ್ಗವ ತೋರಿದ 1

ಪನ್ನಗಪತಿ-ಗರುಡ-ರುದ್ರ-ಇಂದ್ರಾದ್ಯರಿಗೆ

ಉನ್ನತ ಗುರುವಾಗಿ ಮೀರಿದ |

ಘನ್ನವಾದ ಶ್ರುತಿತತಿಗಳಿಂದಲಿ ಜೀವ

ಭಿನ್ನನು ಎಂತೆಂದು ತೋರಿದ ||

ಹೊನ್ನು ಹೆಣ್ಣು ಮಣ್ಣಿನಾಶೆಯಿಲ್ಲದೆ ಅವಿ-

ಚ್ಛಿನ್ನ ಭಕುತಿಯಿಂದ ಮೆರೆದ |

ಚೆನ್ನಾಗಿ ಭಕುತಿ ವೈರಾಗ್ಯಗಳಿಂದಲಿ |

ತನ್ನ ನಂಬಿದ ಭಕುತರ ಪೊರೆದ 2

ಈರೇಳು ಲೋಕಂಗಳಿಗೆ ತಾನೇ ಮುಖ್ಯ ಆ-

ಧಾರವೆಂಬುದ ಕಲಿಸಿದ |

ಭಾರಣೆಯಿಂದಲೊಪ್ಪುತ ಬಲು ಹರುಷದಿ

ಭಾರತಿಯನು ಒಲಿಸಿದ

ಮೂರೇಳು ದುರ್ಭಾಷ್ಯಗಳ ಕಾನನವ ಕು-

ಕಾರದಂತೆ ಕಡಿದಿಳಿಸಿದ

ಸೇರಿ ಶ್ರೀಪುರಂದರ ವಿಠಲನಂಘ್ರಿಗಳಧೀರ ಪೂರ್ಣಪ್ರಙÁ್ಞಚಾರ್ಯರೆಂದೆನಿಸಿದ 3