ಆದದ್ದೆಲ್ಲ ಒಳತೇ ಆಯಿತು Aadaddella olite ayitu

ಆದದ್ದೆಲ್ಲ ಒಳತೇ ಆಯಿತು ನಮ್ಮ |

ಶ್ರೀಧರನ ಸೇವೆಯ ಮಾಡಲು | ----- ಪ

ಸಾಧನ ಸಂಪತ್ತಾಯಿತು ---------- ಅ.ಪ

ದಂಡಿಗೆ ಬೆತ್ತ ಹಿಡಿಯುವುದಕ್ಕೆ |

ಮಂಡೆ ತಗ್ಗಿಸಿ ನಾಚುತಲಿದ್ದೆ ||

ಹೆಂಡತಿ ಸಂತತಿ ಸಾವಿರವಾಗಲಿ |

ದಂಡಿಗೆ ಬೆತ್ತ ಹಿಡಿಸಿದಳಯ್ಯ 1

ಗೋಪಾಳ ಬುಟ್ಟಿ ಹಿಡಿಯುವುದಕ್ಕೆ |

ಭೂಪತಿಯಂತೆ ನಾಚುತಲಿದ್ದೆ ||

ಆ ಪತ್ನಿಯು ತಾ ಪ್ರೀತಿಯಿಂದಲಿ |

ಗೋಪಾಳ ಬುಟ್ಟಿಯ ಹಿಡಿಸಿದಳಯ್ಯ 2

ತುಳಸಿಮಾಲೆಯ ಹಾಕುವುದಕ್ಕೆ |

ಅಲಸಿಕೊಂಡು ನಡೆಯುತಲಿದ್ದೆ ||

ಜಲಜಾಕ್ಷಿಯು ಶ್ರೀ ಪುರಂದರವಿಠಲ |ತುಳಸಿ | ಮಾಲೆಯ ಹಾಕಿಸಿದಳು 3