ಇದಿರಾರೊ-ಗುರುವೆ idiraro guruve

ಇದಿರಾರೊ-ಗುರುವೆ-ಸಮರಾರೊ ಪ

ಮದನ ಜನಕಪ್ರಿಯ ಗುರುಮಧ್ವರಾಯ ಅ.ಪ

ಸನ್ನುತ ಮಹಿಮ ಪ್ರಸನ್ನವದನ ನಿನ-

ಗನ್ಯನಲ್ಲವೊ ನೀಯೆನ್ನ ರಕ್ಷಿಸಬೇಕೋ ||

ನಿನ್ನ ನೋಡಿದವರ್ಧನ್ಯರಾಗುವರು

ಎನ್ನ ದಯಾಮೂರ್ತಿ ಮನ್ನಿಸಿ ನೋಡೋ 1

ದುರ್ಜನರನು ಗರ್ಜೆನೆಯಿಂದ ಓಡಿಸಿ

ಸಜ್ಜನರನು ಸಂರಕ್ಷಿಸಿದಾತನೆ |

ಈ ಜಗದಲಿ ಮಧ್ಯಗೇಹರ ಪತ್ನಿಯ

ಪೂಜ್ಯ ಜಠರದಲಿ ಜನಿಸಿದ ಧೀರ 2

ವೇದಶಾಸ್ತ್ರಗಳಿಂದ ಮಾಯಿಗಳ ಖಂಡಿಸಿ

ಸಾಧಿಸಿ ಹರಿಯೆ ಸರ್ವೋತ್ತಮನೆಂದು ||

ಮೋದಭರಿತವಾದ ದಿವ್ಯಶಾಸ್ತ್ರವ ಗೈದ

ಮೋದ ತೀರ್ಥ-ಪುರಂದರವಿಠಲದಾಸ 3