ಯಮನೆಲ್ಲೊ ಕಾಣೆನೆಂದು Yamanello kaanenendu

ಯಮನೆಲ್ಲೊ ಕಾಣೆನೆಂದು ಹೇಳಬೇಡ |

ಯಮನೇ ಶ್ರೀರಾಮನು ಸಂದೇಹ ಬೇಡ ಪ

ನಂಬಿದ ವಿಭೀಷಣಗೆ ರಾಮನಾದ |

ನಂಬದಿದ್ದ ರಾವಣಗೆ ಯಮನೇ ಆದ 1

ನಂಬಿದ ಅರ್ಜುನನಿಗೆ ಬಂಟನಾದ |

ನಂಬಿದಿದ್ದ ಕೌರವನಿಗೆ ಕಂಟಕನಾದ 2

ನಂಬಿದ ಉಗ್ರಸೇನಗೆ ಮಿತ್ರನಾದ

ನಂಬದಿದ್ದ ಕಂಸನಿಗೆ ಶತ್ರುವಾದ 3

ನಂಬಿದ ಪ್ರಹ್ಲಾದಗೆ ಹರಿಯಾದ |

ನಂಬದಿದ್ದ ಹಿರಣ್ಯಕಗೆ ಅರಿಯಾದ4

ನಂಬಿದವರ ಸಲಹುವ ನಮ್ಮ ದೊರೆಯು |

ಅಂಬುಜಾಕ್ಷ ಪುರಂದರವಿಠಲ ಹರಿಯು 5