ಸುಮ್ಮನೆ ಬಾಹೂದೆ ಮುಕುತಿ ನಮ್ಮ summane bahode mukuti namma

ಸುಮ್ಮನೆ ಬಾಹೂದೆ ಮುಕುತಿ - ನಮ್ಮ |

ಚೆನ್ನಾದಿ ಕೇಶವನ ದಯವಾಗದನಕ ಪ.

ಮನದಲ್ಲಿ ದೃಢವಿರಬೇಕು - ದುರ್ |

ಜನರ ಸಂಗತಿಯನು ನೀಗಲುಬೇಕು ||

ಅನಮಾನಂಗಳ ಬಿಡಬೇಕು - ತನ್ನ |

ತನು - ಮನ ಹರಿಗೆ ಒಪ್ಪಿಸಿ ಕೊಡಬೇಕು 1

ಕಾಮ - ಕ್ರೋಧವ ಬಿಡಬೇಕು - ಹರಿ |

ನಾಮಸಂಕೀರ್ತನೆ ಮಾಡಲುಬೇಕು ||

ಹೇಮದಾಸೆಯ ಸುಡಬೇಕು - ತ |

ನ್ನಾ ಮನ ಹರಿಯ ಪಾದದಲಿಡಬೇಕು 2

ಪಾಪಗಳನೆ ಕಳೆಯಬೇಕು - e್ಞÁನ |

ದೀಪ ಬೆಳಕಿನಲಿ ಲೋಲಾಡ ಬೇಕು ||

ತಾಪ ರಹಿತಗೈಯಬೇಕು - ನಮ್ಮ

ಓಪ ಪುರಂದರವಿಠಲನೊಲೆಯ ಬೇಕು