ಮನುಜ ಶರೀರವಿದೇನು manuja shareervedenu

ಮನುಜ ಶರೀರವಿದೇನು ಸುಖ - ಇದ

ನೆನೆದರೆ ಘೋರವಿದೇನು ಸುಖ ? ಪ.

ಜನನ - ಮರಣ ಮಲಕೂಪದಲ್ಲಿದ್ದು

ಅನುಭವಿಸುವುದು ಇದೇನು ಸುಖ ?

ತನುವಿದ್ದಾಗಲೇ ಹೃದಯದ ಶೌಚದ

ಸ್ತನಗಳನುಂಬುವುದೇನು ಸುಖ ? 1

ದಿನವು ಹಸಿವು ತೃಷೆ ಘನ ರೋಗಂಗಳ

ಅನುಭವಿಸುವುದು ಇದೇನು ಸುಖ

ನೆನೆಯಲು ನಿತ್ಯ ನೀರ್ಗುಳ್ಳೆಯಂತಿಪ್ಪ

ತನುಮಲಭಾಂಡವಿದೇನು ಸುಖ ? 2

ಪರಿಪರಿ ವಿಧದಲಿ ಪಾಪವ ಗಳಿಸುತ

ನರಕಕೆ ಬೀಳುವುದೇನು ಸುಖ ?

ಪುರಂದರವಿಠಲನ ಮನದಿ ನೆನೆದು ಸ ದ್ಧರುಮದೊಳ್ ನಡೆದರೆ ಆಗ ಸುಖ 3