ವೃಂದಾವನದೊಳಾಡುವನಾರೆ vrundawanadoladuvane

ವೃಂದಾವನದೊಳಾಡುವನಾರೆ - ಗೋಪ-|

ಚಂದಿರವದನೆ ನೋಡುವ ಬಾರೆ ಪ

ಅರುಣಪಲ್ಲವ ಪಾದಯುಗಳನೆ ದಿವ್ಯ-|

ಮರುಕತ ಮಂಜುಳಾಭರಣನೆ ||

ಸಿರಿವರ ಯದುಕುಲ ಸೋಮನೆ ಇಂಥ-|

ಪರಿಪೂರ್ಣ ಕಾಮ ನಿಸ್ಸೀಮನೆ 1

ಹಾರ-ಹೀರ ಗುಣಧಾರನೆ - ದಿವ್ಯ |

ಸಾರಶರೀರ ಶೃಂಗಾರನೆ ||

ಆರಿಗಾದರು ಮನೋದೂರನೆ ತನ್ನ-|

ಸೇರಿದವರ ಮಾತ ವಿೂರನೆ 2

ಮಕರ ಕುಂಡಲ ಕಾಂತಿ ಭರಿತನೆ - ದಿವ್ಯ |

ಆಕಳಂಕರೂಪ ಲಾವಣ್ಯನೆ ||

ಸಕಲರೊಳಗೆ ದೇವನೀತನೆ - ನಮ್ಮ |

ಮುಕುತೀಶ ಪುರಂದರ ವಿಠಲನೆ 3