ಕರುಣಾಕರ ನೀನೆಂಬುವುದೆತಕೊ

ಕರುಣಾಕರ ನೀನೆಂಬುವುದೆತಕೊ |

ಭರವಸೆ ಇಲ್ಲೆನಗೆ ಪ

ಕರಿ ಧ್ರುವ ಬಲಿ ಪಾಂಚಾಲಿ ಅಹಲ್ಯೆಯ |

ಪೊರೆದವ ಭವದಲಿ ನೀನಂತೆ ||

ಅರಿತು ವಿಚಾರಿಸಿ ನೋಡಲಿದೆಲ್ಲವು |

ಪರಿಪರಿ ಕಂತೆಗಳಂತಿದೆ ಕೃಷ್ಣ 1

ಕರುಣಾಕರ ನೀನಾದರೆ ಈಗಲೆ |

ಕರಪಿಡಿದೆನ್ನನು ನೀ ಕಾಯೊ ||

ಸರಸಿಜಾಕ್ಷನೇ ಅರಸು ನೀನಾದರೆ |

ದುರಿತಗಳೆನ್ನನು ಪೀಡಿಪುದುಂಟೆ 2

ಮರಣ ಕಾಲದಲಿ ಅಜಮಿಳಗೊಲಿದೆಯೊ |

ಗರುಡಧ್ವಜನೆಂಬ ಬಿರುದಿನಿಂದ ||

ವರ ಬಿರುದುಗಳ್ನಿನಗುಳಿಯಬೇಕಾದರೆ |ತ್ವರಿತದಿ ಕಾಯೋ ಪುರಂದರವಿಠಲ 5