ಕೃಷ್ಣಮೂರ್ತಿ ಕಣ್ಣ ಮುಂದೆ ನಿಂತಿದಂತಿರೆ

ಕೃಷ್ಣಮೂರ್ತಿ ಕಣ್ಣ ಮುಂದೆ ನಿಂತಿದಂತಿರೆ ಪ

ಮಸ್ತಕದಲಿ ಮಾಣಿಕದ ಕಿರೀಟ

ಕಸ್ತುರಿ ತಿಲಕವು ಹೊಳೆವ ಲಲಾಟ ||

ಹಸ್ತದಿ ಕೊಳಲನೂದುವ ನರೆ ನೋಟ

ಕೌಸ್ತುಭದೆಡ ಬಲದೊಳು ಲೋಲಾಟ1

ಮಘಮಘಿಸುವ ಸೊಬಗಿನ ಸುಳಿಗುರುಳು

ಚಿಗುರು ತುಳಸಿವನ ಮಾಲೆಯಿಟ್ಟ ಕೊರಳು

ಉಗುರಿಗೆ ಹೊನ್ನ ಮುದ್ರಿಕೆಯಿಟ್ಟ ಬೆರಳು

ಸೊಗಸಿನ ನಾಭಿಯು ತಾವರೆ ಅರಳು 2

ಉಡುದಾರ ಒಡ್ಯಾಣ ಸಕಲಾಭರಣ

ಬೆಡಗಿನ ಪೀತಾಂಬರ ರವಿಕಿರಣ ||

ಕಡಗ ಗಗ್ಗರ ಗೆಜ್ಜೆ ಇಕ್ಕಿದ ಚರಣ

ಒಡೆಯ ಪುರಂದರ ವಿಠಲನ ಕರುಣ3