ಇರಬೇಕು ಇರದಿರಬೇಕು irabeku iradirabeku

ಇರಬೇಕು ಇರದಿರಬೇಕು ಶ್ರೀ - |

ಹರಿದಾಸರು ಸಂಸಾರದೊಳು ಪ.

ಕುಲಸತಿಯಾದರೆ ಕೂಡಿರಬೇಕು |

ಸುಲಭದಿಂದ ಸ್ವರ್ಗ ಸೂರಾಡಬೇಕು ||

ಕಲಹ ಗಂಟಿ ಸತಿ ಕರ್ಕಶೆಯಾದರೆ |

ಹಲವು ಪರಿಯಿಂದಲಿ ಹೊರಗಾಗಬೇಕು 1

ಮಕ್ಕಳು ತಾವು - ಮತಿವಂತರಾದರೆ |

ಅಕ್ಕರೆಯಿಂದಲಿ ಕೂಡಿರಬೇಕು ||

ಚಿಕ್ಕತನದಿ ಬುಧ್ಧಿ ತೇರುಂಡರಾದರೆ |

ಗಕ್ಕನೆ ಅಲ್ಲಿಂದ ಹೊರಗಾಗಬೇಕು 2

ದುಷ್ಟರ ಕಂಡರೆ ದೂರವಿರಬೇಕು |

ಶಿಷ್ಟರ ಕಂಡರೆ ಕೈಮುಗಿಯಬೇಕು ||

ದಿಟ್ಟ ಶ್ರೀ ಪುರಂದರವಿಠಲರಾಯನ |

ಗಟ್ಟಿಯಾಗಿ ಆತನ ನೆರೆನಂಬಬೇಕು 3