ಅಚ್ಯುತಾನಂತಗೋವಿಂದ achyutanant govind

ಅಚ್ಯುತಾನಂತಗೋವಿಂದ ಮುಕುಂದ |

ವಾಮನ ವಾಸುದೇವ ನಾರಾಯಣ ಹರಿ |

ಸಚ್ಚದಾನಂದ ಸ್ವರೂಪ ಗೋಪಾಲ ಪುರುಷೋತ್ತಮ |

ಪರಂಧಾಮ ನಾರಾಯಣ |

ಮತ್ಸ್ಯ ಕೂರ್ಮ ವರಾಹ ನಾರಸಿಂಹ ವಾಮನ |

ಭಾರ್ಗವ ರಾಮ ಶ್ರೀಕೃಷ್ಣ ಬೌದ್ಧ ಕಲ್ಕಿ |

ಅವತಾರ ಅನಂತಾವತಾರ ನಾರಾಯಣ |

ಹರಿ ಅಚ್ಯುತಾನಂತ ಗೋವಿಂದ |

ಅಪಾರ ಮಹಿಮ ಶ್ರೀ ನಾರಾಯಣ ಅಹೋ |

ಸರ್ಪಶಯನನೆ ನಾರಾಯಣ |

ಶ್ರೀ ಪುರಂದರವಿಠಲ ವಿಭುವೆ ತಿರುವೆಂಗಳಪ್ಪ |

ಎನ್ನಪ್ಪ ನೀ ನಾರಾಯಣ 1

ಮಟ್ಟತಾಳ

ಮಂಗಳಂಗ ನಿನ್ನಂಗವಟ್ಟದಲ್ಲಿ ಸಂಗಸಖಳಿಪ್ಪಳವ್ವೆ ನಿ- |

ನ್ನಂಗನೆಯು ಲಚುಮವ್ವೆ ಕೆಂಬರಳಾಗಿಪ್ಪಳವ್ವೆ |

ಬಂಗಾರವಾಗಿಪ್ಪಳವ್ವೆ ಶೃಂಗಾರವಾಗಿಪ್ಪಳವ್ವೆ |

ರಂಗ ಶ್ರೀಪುರಂದರವಿಠಲ ನಿನ್ನೊಲಿದು 3

ತ್ರಿವುಡೆ ತಾಳ

ಉಟ್ಟದಟ್ಟಿ ಕಟ್ಟಿದ ಕಠಾರಿ ತೊಟ್ಟಂಬು ತೋರಗದೆ ತೋಮರÀ |

ಮೆಟ್ಟಿದ ತಡಿಕೆರವಿನ ಹೆಜ್ಜೆ ಕಟ್ಟಿದ ಕಾಲುಗೆಜ್ಜೆ ಶ್ರೀ ವತ್ಸ |

ಸೃಷ್ಟಿರಕ್ಷಕ ಪುರಂದರವಿಠಲ ಬೆಟ್ಟದ ತಿರುವೆಂಗಳಪ್ಪಗೆ

ನಮೋ ನಮೋ 3

ಅಟತಾಳ

ಇದೆ ದನುಜಮರ್ದನ ಚಕ್ರಹಸ್ತ - ಮ- |

ತ್ತಿದೆ ವೇದನುತ ಶಂಖಹಸ್ತ |

ಇದೆ ಈರೇಳು ಜಗವನೊಲಿದಿಂಬಿಟ್ಟು ಮೆರೆವ ಹಸ್ತ |

ಇದೆ ಇದೆ ವೈಕುಂಠವೆಂದು ತೋರುವ ಹಸ್ತ |

ಇದೆ ಪುರದರವಿಠಲನಿದ್ದಿರವು ಮತ್ತಿದೆ |

ತಿರುವೆಂಗಳಪ್ಪನ ಮೂರುತಿ ಇದೆ 4

ಆದಿತಾಳ

ಕಿರೀಟ ಕುಂಡಲಧರನ ಕಂಡೆ

ಹಾರಮಣಿ ಭೂಷಣನ ಕಂಡೆ |

ಸಿರಿಯಿಪ್ಪÀ ವಕ್ಷಸ್ಥಳವ ನಾಕಂಡೆ |

ವರಾಂಬರನ ಕಂಡೆ ವರದೇಶನ ಕಂಡೆ |

ತಿರುಮಲಗಿರಿಯಲಿ ಸಿರಿ ಪುರಂದರವಿಠಲನ |

ಇರುವ ನಾಕಂಡೆ ಚೆಲುವನ ನಾಕಂಡೆ 5

ಜತೆ

ತಿರುವೆಂಗಳಪ್ಪ ಪುರಂದರವಿಠಲ |

ನೆರೆ ನಂಬಿದೆನೊ ನಿನ್ನ ಚರಣಕವಲವ ||