ಅಡವಿನಿಲಯ ನಿನ್ನಡಿಗೆರಗುವೆ adavinilaya ninnadigeraguve

ಅಡವಿನಿಲಯ ನಿನ್ನಡಿಗೆರಗುವೆ ಕರ

ಪಿಡಿದು ಪಾಲಿಸಯ್ಯ ಪ

ಮೃಡನುತ ಭಾರತಿ ಒಡೆಯನೆ ಪ್ರಾರ್ಥಿಪೆ |

ಬಿಡಿಸು ಭವದ ಮಾಯಾ ಅ.ಪ

ನಿನ್ನ ದರುಶನದಿ ಎನ್ನ ಜನ್ಮ ಪಾ |

ವನ್ನ ವಾಯಿತಯ್ಯ |

ನಿನ್ನನುಗ್ರಹಪಡೆದ ಸಂ |

ಪನ್ನರೊಳಿಡು ಜೀಯಾ 1

ತರುಚರನರದ್ವಿಜ | ವರರೂಪತ್ರಯ |

ಧರಿಸಿದಂಥ ದೇವ ||

ದುರುಳ ದೈತ್ಯ ಪರಿವಾರ ಗರ್ವಹರ

ಶರಣರ ಸಂಜೀವಾ 2

ಸೃಷ್ಟಿಯೊಳಗೆ ಅತಿ ಶ್ರೇಷ್ಟನೆಂದೆನಿಸಿದ |

ಕುಷ್ಟಗಿ ಮೂರುತಿ ಪುರವಾಸ

ಧಿಟ್ಟ ಮೂರುತಿ ಶಾಮಸುಂದರ

ವಿಠಲ ಪ್ರಿಯದಾಸ 3