ಮನೆಯೊಳಗಾಡೊ ಗೋವಿಂದ maneyolagado govinda

ಮನೆಯೊಳಗಾಡೊ ಗೋವಿಂದ-ನೆರೆ-|

ಮನೆಗಳಿಗೇಕೆ ಪೋಗುವೆಯೊ ಮುಕುಂದ ಪ

ನೊಸಲಿಗೆ ತಿಲಕವನಿಡುವೆ-ಅಚ್ಚ-|

ಹೊಸಬೆಣೆಯಿಕ್ಕಿ ಕಜ್ಜಾಯವ ಕೊಡುವೆ ||

ಹಸನಾಧಾಭರಣಗಳಿಡುವೆ-ಚಿಕ್ಕ-|

ಹಸುಳೆ ನಿನ್ನನು ನೋಡಿ ಸಂತೋಷಪಡುವೆ 1

ಅಣ್ಣಯ್ಯ ಬಲರಾಮಸಹಿತ-ನೀ-|

ನಿನ್ನೆಲ್ಲಿಯಾದರೂ ಆಡುವುದು ವಿಹಿತ ||

ಹೆಣ್ಣುಗಳೇಕೋ ಸಂಗಾತ-ರಂಗ |

ಬಿನ್ನಪ ಪರಿಪಾಲಿಸೊ ಜಗನ್ನಾಥ 2

ಜಾರನೆನಿಸಿಕೊಳಲೇಕೆ-ರಂಗ-|

ಚೋರನೆನಿಸಿಕೊಂಬ ದೂರು ನಿನಗೇಕೆ ||

ವಾರಿಜಾಕ್ಷಿಯರ ಕೂಡಲೇಕೆ-ನಮ್ಮ-|

ಪುರಂದರವಿಠಲರಾಯ ಎಚ್ಚರಿಕೆ 3