ವಿಜಯರಾಯರ ಪಾದವ ನೀ vijayarayara padava nee

ವಿಜಯರಾಯರ ಪಾದವ ನೀ

ಭಜಿಸಿ ಬದುಕೆಲೊ ಮಾನವ ಪ

ವೃಜಿನವೆಲ್ಲವ ಕಳೆದು ಕರುಣದಿ |

ಅಜನನಯ್ಯನ ತೋರುವ ಅ.ಪ.

ಜಗಕೆ ಹರಿ ಪರನೆಂದು ತಾ ಭುಜ

ಯುಗಗಳೆತ್ತಿ ಸಾರಿದಾ ||

ಭೃಗು ಮುನಿ ಇವರೆಂದು ಭಾವಿಸಿ

ಮಿಗೆ ಸುಭಕ್ತಿಲಿ ಸರ್ವದಾ 1

ವರಹಜಾ ತಟದಲ್ಲಿ ಚೀಕಲ |

ಪರವಿಗ್ರಾಮದಿ ಜನಿಸಿದ ||

ಪರಿಪರಿಯಲನುಭವಿಸಿ ಬಡತನ

ಜರಿದು ಭವ ವೈರಾಗ್ಯ ಧರಿಸಿದ 2

ಭಕುತಿ ಪೂರ್ವಕವಾಗಿ ಬಿಡದಲೆ |

ಸಕಲಕ್ಷೇತ್ರವ ಚಲಿಸಿದಾ ||

ಮುಕುತಿ ಸುಖದಾತಾರನಾದ |

ಲಕುಮಿ ರಮಣನ ತುತಿಸಿದಾ 3

ತಾ ಸುಸ್ವಪ್ನದೊಳೊಂದು ದಿನ ಶ್ರೀ

ವ್ಯಾಸ ಕಾಶಿಗೆ ತೆರಳಿದಾ ||

ವಾಸುದೇವನ ಕಂಡು ನಮಿಸಿ

ಲೇಸು ವರ ಸ್ವೀಕರಿಸಿದಾ 4

ಪುರಂದರಾರ್ಯರ ಕವನಗಳು

ಮೂರೆರಡು ಲಕ್ಷಕೆ ತ್ರಯಪದ

ಕೊರತೆ ತಾ ಪೂರೈಸಿದ 5

ಬಾಲೆಯೋರ್ವಳು ಬಂದು ಪ್ರಾರ್ಥಿಸೆ

ಕೇಳುತಾಕೆಯ ಪತಿಯನು

ಕಾಲ ಪಾಶವ ಬಿಡಿಸಿ ಕರುಣದಿ

ಪಾಲಿಸಿದ ಸುಮಹಾತ್ಮರ 6

ಶ್ರೀಮನೋಹರ ಶಾಮಸುಂದರ

ನಾಮ ಮಹಿಮೆಯ ವಿಧ ವಿಧ

ಭೂಮಿ ಸುಮನಸ ಸ್ತೋಮಕನುದಿನ

ಪ್ರೇಮದಿಂದಲಿ ಬೀರಿದ 7