ಆಪಾದವಾನಂದ ಆನಖವಾನಂದ aapaadvanaand aanakhanand

ಆಪಾದವಾನಂದ ಆನಖವಾನಂದ |

ಆಜಾನು ಆಜಂಘೆ ಆನಂದಮಯಮಯ್ಯ |

ಆ ಊರು ಆನಂದ ಆ ಕಟಿ ಆನಂದ |

ಆನಾಭಿ ಆ ಕುಕ್ಷಿ ಆನಂದಮಯವಯ್ಯ |

ಆ ಉರ ಆನಂದ ಆ ಭುಜವಾನಂದ |

ಆ ಕÀಂಬುಗ್ರೀವ-ಮುಖ ಆನಂದಮಯವಯ್ಯ |

ಆಶಿರೋರುಹಗಳು ಆನಂದಮಯವಯ್ಯ |

ಅಸಂಖ್ಯ ಆನಮದ ಪುರಂದರವಿಠಲ 1

ಮಟ್ಟತಾಳ

ಪಾವಕ-ಕೋಟಿ ಸೂರ್ಯರ ಪ್ರಭೆಯ ಸೋಲಿಸುವ |

ದೇವನಂಗಕಾಂತಿ ಆನಂದಮಯವಯ್ಯ |

ದೇವರಾಟ್ ಶ್ರೀಪುರಂದರವಿಠಲ | 2

ತ್ರಿವಿಡೆತಾಳ

ದಶಮಾತುರಗಳು ಆನಂದಮಯವಯ್ಯ |

ಹೃಷೀಕೇಶನ ಏಕಾದಶ ಹೃಷೀಕ ಆನಂದಮಯವಯ್ಯ |

ಮಹಾಭಾವ ಭೂವಿಲಾಸ ದೇವನಂಗ ಕಾಂತಿ

ಆನಂದಮಯವಯ್ಯ| |

ದೇವರಾಟ್ ಸಿರಿ ಪುರಂದರವಿಠಲ 3

ಅಟತಾಳ

ಬೊಮ್ಮ ಬೊಮ್ಮ ಬೊಮ್ಮ ಶ್ರೀಹರಿಯ |

ಕರ್ಮವಾನಂದ ಕರಣಗಳಾನಂದ |

ಹಮ್ಮು ಆನಂದ ಹಾಸ್ಯವಾನಂದ |

ಕಂಗಳಾನಂದ ನಮ್ಮ ಪುರಂದರ ವಿಠಲರಯನ |

ದಿವ್ಯ ಕೋಪವಾನಂದ 4

ಏಕತಾಳ

ಅನಂದವರ್ಧಾಂಗಿ ಆನಂದನ ಕುಮಾರ |

ಆನಂದ ಮೂರುತಿಯ ಅಗಲದೆ ಇರಿ |

ಆನಂದ ಆನಂದ ಪರಮಾನಂದ |

ಪರಮಾನಂದ ಪುರಂದರವಿಠಲ 5

ಜತೆ

ಙÁ್ಞನ ವಿಙÁ್ಞನ ಸುಗಂಧ ಸುಖದೇಹ |

ಅನಂದಮಯವಯ್ಯ ಪುರಂದರವಿಠಲನ ಅವಯವಗಳೆಲ್ಲ ||