ಗುರು ವಿಜಯವಿಠಲ Guru vijaya vittala ninna

ಗುರು ವಿಜಯವಿಠಲ ನಿನ್ನ ಚರಣಯುಗಳಿಗೆ
ಎರಗಿ ನಮೋ ನಮೋ ಎಂದೆನೊ ಹರುಷದಲಿ ನೀ ನಮ್ಮ
ಗುರು ವಿಜಯದಾಸರನ ಕರುಣಿಸಿ ತಂದು ತೋರು ಬಾರೊ || ಪ ||

ಹಿಂದೆ ನೀನಿವರ ಪುರಂದರದಾಸರ ಮಂದಿರದಲಿ ಸೃಜಿಸಿ
ಚೆಂದ ಚೆಂದದ ಪರತತ್ವ ಕವನಗಳನ್ನು
ಕುಂದುಯಿಲ್ಲದಲೆ ನುಡಿಸಿ ಸಂದರುಶನವಿತ್ತು ಸಲಹಿ ಆಗಾಮಿಯನು
ಮಂದಸಂಚಿತವನಳಿಸಿ ನಿಂದ ಪ್ರಾರಬ್ಧ ಉಣ
ತಂದಿಟ್ಟು ಈ ಧರೆಗೆ ಮಂದಜನರನ್ನ ಪೊರಿಯೊ ಪರಿಯ || 1 ||

ಆರುಮೂರೆರಡೊಂದು ಜನರು ಇವರಿಂದ ಉ-
ದ್ಧಾರ ಗತಿಯನು ಚಿಂತಿಸಿ ಮೂರು ಜನ್ಮಗಳಲಿ
ಬಿಡದೆ ಮೂಲವ ಕೆಡದೆ ಸೇರಿ ಮತ್ತಿವರ ಬಳಿಯ
ಶ್ರೀರಮಣ ನಿನ್ನ ವಿಚಾರವನು ಮಾಡುತ
ಸಾರಿಸಾರಿ ವರವಪಿಡಿದು ಕಾರಣರು ನಮಗಿ
ವರು ಕರ್ಮಮೂಲವ ಕೆಡಿಸಿ ನಾರಾಯಣನೆ ನಿನ್ನ ಪರನೆಂದು ತೋರುವ || 2 ||

ನೀನು ನಡೆಯಲು ನಡೆದು ನೀನು ನುಡಿಯಲು ನುಡಿದು
ನೀನು ಪಿಡಿಯಲು ಪಿಡಿದು ನೀನು ಮಾಡಿಸೆ ಮಾಡಿ
ನೀನು ನೋಡಿಸೆ ನೋಡಿ ನೀನು ಕೂಡಿಸಲು ಕೂಡಿಯೆ
ನೀನು ಪರಿಪರಿ ಏನು ಮಾಡಿದ ಕರ್ಮ ಶ್ರೀನಾಥ
ನಿನಗರ್ಪಿಸಿ ನಾನಾಪರಿಯಲಿ ನಮ್ಮನ್ನು ಕೂಡಿಕೊಂಡಿನ್ನು
ಜ್ಞಾನ ಬೋಧಿಸಿ ನಿನ್ನ ಧ್ಯಾನದೊಳಿಪ್ಪಂಥ || 3 ||

ನಿನ್ನ ಸೃಷ್ಟಿಯಾದಿ ಅಷ್ಟಕತರ್ೃತ್ವಗಳು ಚೆನ್ನಾಗಿ
ಮನದಿ ತಿಳಿದು ನಿನ್ನ ವಾಪ್ತತ್ವವನು
ಇನ್ನು ಹುಡುಕುತ ತಮ್ಮ ಮನಬಂದಂತೆ ನಡೆದು
ಪುಣ್ಯ ಪಾಪಂಗಳಿಗೆ ಹಿಗ್ಗಿಕುಗ್ಗದೆ ನೋಡಿ
ನಿನ್ನ ಪ್ರೀತಿದೆಂದರಿದು ಸನ್ಮತಿಯಿಂದ ಸಕಲ ಸ-
ಜ್ಜನರ ಸಮ್ಮತಿ ನಿನ್ನ ತುತಿಸುತ ಮೆರೆವ ಘನ್ನ ದಯಾನಿಧಿಯ || 4 ||

ಆವದಿನ ನೀನಿವರ ಸೇವೆ ದೊರಕಿಸಿ ಎನಗೆ ಸಾವಾಸದಲ್ಲಿ ಇತ್ತು
ಕಾವು ಘನವಾಗಿ ಪ್ರತಿಕ್ಷಣಕೆ ಸ್ಮರಣೆಗೆ ಅನು-
ಭವಕೆ ತಂದುಕೊಳುತ ಜೀವಿಸುತ ನಮ್ಮನ ಪೊರೆದು ರಕ್ಷಿಸಿ ಬಿಡದೆ
ಪಾವನದ ದಾರಿತೋರಿ ಈ ವಿಧದಲಿ ನಿನ್ನ ಇ-
ರವ ತೋರುತ ಜಗದಿ ಧೀರರನ ಮಾಡಿ ನೀ ಅಲ್ಲಿ ಪೂಜ್ಯನೆಂಬಾ || 5 ||

ಎಂದಿನಂತಾಡಿ ನಿನ್ನ ಯೋಚಿಸುತ ಬಪ್ಪರೊಳು ಇಂದು ಎನ
ಗೊಂದು ಪರಿಯ ಸಂದೇಹವನು ತೋರಲಾಗಿ
ಮನದಲಿ ಎನಗೆ ನಿಂದಿರದು ಏಕಸ್ಥಳದಿ
ನೊಂದ ದಣಿವಿಕೆಯೇನೊ ನೀನು ಬಲ್ಲೆಯೊ ಮನಕೆ
ತಂದು ಅನುಭವಕೆ ತೋರಿ ಚೆಂದತೋರದು ಅವರ
ಬಿಡಿಸಿ ಎನ್ನಿಡುವುದು ನಂದನಂದನ್ನಕಂದ ಮುಕುಂದ || 6||

ಎಲ್ಲಿ ನೀನುಂಟು ಮತ್ತಲ್ಲಿ ಆವರುಂಟೆಂಬುದೆಲ್ಲ
ಬಲ್ಲರು ಸರಿಯೆ ಅಲ್ಲಿದ್ದು ನೀನು ನಮಗಿನ್ನು
ತಿಳಿಸುವ ಕರ್ಮ ಇಲ್ಲಿ ಈಗಾಗರಿಯದು
ಎಲ್ಲಿ ಸಕಲವು ಕರ್ಮ ಅಲ್ಲೆ ಒಪ್ಪಿಸಿದ್ದೇವೆ
ಬಲ್ಲಿದ್ದು ಮಾಡೊ ದೊರೆಯೆ ಎಲ್ಲ ನಾಮಕನು ನೀನೆ ಗೋಪಾಲವಿಠಲ
ಅಲ್ಲಲ್ಲಿ ಏನಯ್ಯ ಎಲ್ಲ ಭಕುತರೊಡೆಯ || 7 ||