ಶೋಭನವೆ ಹರಿ ಶೋಭನವೆ shobhanave hari shobhanave

ಶೋಭನವೆ ಹರಿ ಶೋಭನವೆ ಪ.

ಶೋಭನವೆನ್ನಿರಿ ಶುಭಕರದಿಂದಲಿ

ಶೋಭನ ಶ್ರೀ ಲೋಲ ಗೋಪಾಲನೆನ್ನಿರೆ ಅಪ

ಪಾಲುಗಡಲು ಮನೆಯಾಗಿರಲು

ಆಲದೆಲೆಯ ಮೇಲೆ ಮಲಗುವರೆ ||

ಮೂಲೋಕವೇ ನಿನ್ನುದರದೊಳಿರಲು

ಬಾಲಕನಾಗಿ ಎತ್ತಿಸಿಕೊಂಬುವರೆ 1

ಸಿರಿ ನಿನ್ನ ಕೈವಶವಾಗಿರಲು

ತಿರುಮಲ ಮಲೆಯನು ಸೇರುವರೆ ||

ಸರಸಿಜಭವ - ಭವ ನಿನ್ನ ಪೂಜಿಸಲು

ನರನ ಬಂಡಿಯ ಬೋವನೆನಿಸುವರೆ 2

ಕಮ್ಮಗೋಲನ ಪಿತನಾಗಿರಲು

ಗಮ್ಮನೆ ಕುಬುಜೆಗೆ ಸೋಲುವರೆ ||

ಬ್ರಹ್ಮ ಪರಬ್ರಹ್ಮ ಚರಣಕೆ ಶರಣು

ಹಮ್ಮಿನ ದೈವ ಶ್ರೀ ಪುರಂದರವಿಠಲ 3