ಕಾಮಿತಾರ್ಥದಾಯಿನೇ | ತುಳಸಿ ಕಲ್ಯಾಣಿ kamitaarthadaayini tuladi kalyani

ಕಾಮಿತಾರ್ಥದಾಯಿನೇ | ತುಳಸಿ ಕಲ್ಯಾಣಿ

ಶ್ಯಾಮಾ ವಿಶಾಲನಯನೇ ಪ

ಹಸುರು ಕಂಚುಕಧರೆ ಆನಂದ ರಸಿಕೇ

ಶಶಿ ಬಿಂಬಸಮ ಸುಂದರಮುಖೇ

ಉಸಿರುಬಿಡದೆ ನಿನ್ನ ಕೊಸರುವೆ ವರಗಳ

ಹಸನಾಗಿ ಕೊಡುವೆನೀ ಅತಿಶಯದಿಂದಲಿ 1

ಬಣ್ಣಾದ ಸರಪಳಿ ಹಾಕಿದ ಕೊರಳೇ

ಬಟ್ಟ ಮುತ್ತಿನ ಹರಳೇ

ಹುಣ್ಣಿಮೆ ಚಂದ್ರನಂತೆ ಸುಂದರಮುಖದವಳೇ

ಪನ್ನಂಗ ಶಯನಗೆ ಮಾಡಿದೆ ಮರುಳೇ 2

ಬಡನಡುವಿಗೆ ಒಡ್ಯಾಣಾ | ರುಳಿ ಪೈಜಣ

ಕಡಗಾ ಕಂಕಣ ಹೊಳಿಯುವ ಜಾಣೆ |

ನಡೆದು ಬಾರೆ ಶ್ರೀ ನರಸಿಂಹವಿಠಲನ

ಹಿಡಿದು ನಿನ್ನ ಪಾದ ಬಿಡದೆ ಭಜಿಪೆನಮ್ಮ 3