ತುಂಗಾತೀರದಿ ನೆಲಸಿಹಗೆ tunga teeradi nelasihaga

ತುಂಗಾತೀರದಿ ನೆಲಸಿಹಗೆ |

ಮಂಗಳ ಗುರು ರಾಘವೇಂದ್ರನಿಗೆ |

ಗಂಗಾಜನಕನ ಭಕುತ ಶ್ರೇಷ್ಠ ಯತಿ |

ಪುಂಗವನೆನಿಸುತೆ ಮೆರೆವವಗೆ ||ಮಂಗಳಂ ಜಯ ಮಂಗಳಂ|| ಪ

ದಾವಣಗೆರೆಯೊಳು ನಿಂದವಗೆ|

ಕೋವಿದ ಭೂಸುರ ಸೇವ್ಯನಿಗೆ|

ಧಾವಿಸಿ ಬರುತಿಹ ದೀನಜನಾಳಿಗೆ|

ದೇವ ತರುವಿನಂತೀವನಿಗೆ ||ಮಂಗಳಂ ಜಯ ಮಂಗಳಂ|| 1

ಮಧ್ವಶಾಸ್ತ್ರ ಪಠಿಸಿರುವವಗೆ |

ಶುದ್ಧ ಟೀಕೆಗಳ ರಚಿಸಿದಗೆ|

ಸದ್ವೈಷ್ಣವ ಸುಪ್ರೀತನಿಗೆ ಪರಿ |

ಶುದ್ಧ ಮೂರ್ತಿ ರಾಘವೇಂದ್ರನಿಗೆ ||ಮಂಗಳಂ ಜಯ ಮಂಗಳಂ|| 2

ಶ್ರೀ ಸುಧೀಂದ್ರ ಕರಾಜಾತನಿಗೆ |

ಭಾಸುರ ರಘುವೀರಾರ್ಚಿಪಗೆ|

ಶ್ರೀಶಕೇಶವ ಪಾದಾರಾಧಕಗೆ ಸುರ|

ರೀಶನೆನಿಪ ರಂಗನಾಥನಿಗೆ | ಮಂಗಳಂ ಜಯ ಮಂಗಳಂ||3