ರಂಗ ರಥವನೇರಿದನಕ್ಕ ranga rathavaneridakka

ರಂಗ ರಥವನೇರಿದನಕ್ಕ- ಮೋಹ- |

ನಾಂಗ ನಮ್ಮ ಸೇರದೆ ಪೋಗುವನಕ್ಕ ಪ

ಮಾತುಳ ಮಥರೆಯೊಳಿಹನಂತೆ - ಅಲ್ಲಿ |

ಮಾತಾಪಿತರಿಗೆ ಬಂಧನವಂತೆ, ಇವರು |

ನೂತನ ಬಿಲ್ಲಿನ ಅರ್ಥಿಗಳಂತೆ ||

ಪೀತಾಂಬರಧರನ ಪೂಜೆ ನೋಡುವೆನೆಂಬ |

ಆತುರದಿಂದಿರೆ ಅಕ್ರೂರನೊಡನೆ ಈಗ 1

ಬಲರಾಮ ಬಂಧುವಿನೊಡಗೂಡಿ ನಂದ-|

ನಡಿಗೆ ಯಶೋದೆಗೆ ವಂದನೆ ಮಾಡಿ-ತಾವು |

ಬಿಡಲಾರೆವೆಂದು ಭಾಷೆಯ ನೀಡಿ ||

ತಡೆಯೆನೆನುತ ತಾಯಿಗೆ ಭರವಸೆಯಿತ್ತು |

ಕಡಲಶಯನನು ಕಾತರದಿಂದಲಿ ಈಗ 2

ಮಧುರಾ ಪಟ್ಟಣದ ಮಾನಿನಿಯರು ಅತಿ |

ಚದುರೆ ಚೆಂಚಲೆ ಚಾಪಲತೆಯರು-ನಮ್ಮ |

ಮದನನಯ್ಯನ ಮೋಹಿಸುತಿಹರು ||

ಕಧಿಜನಾಭ ನಮ್ಮ ಪುರಂದರವಿಠಲ |

ಪದುಮನಾಭನ ಪಯಣವ ನಿಲ್ಲಿಸಕ್ಕ 3