ನಿನ್ನ ಭಕುತಿಯನು ಬೀರೊ ninna bhakutiyanu beero

ನಿನ್ನ ಭಕುತಿಯನು ಬೀರೊ ಎನ್ನ

ಮನ್ನಿಸಿ ಸಲಹುವರಾರೋ ಪ

ಸನ್ನುತ ಸನ್ಮಾರ್ಗ ತೋರೋ ಆ

ಪನ್ನರಕ್ಷಕ ಬೇಗ ಬಾರೋ ಅ.ಪ

ಪನ್ನಗಶಯನ ಲಕ್ಷ್ಮೀಶಾ ವೇದ

ಸನ್ನುತ ಪಾದ ಸರ್ವೇಶಾ

ಇನ್ನು ಬಿಡಿಸು ಭವಪಾಶಾ ಪ್ರ

ಸನ್ನ ರಕ್ಷಿಸೊ ಶ್ರೀನಿವಾಸಾ 1

ನಾರದ ಗಾನವಿಲೋಲಾ ಸ್ವಾಮಿ

ಭೂರಿ ಭಕ್ತರ ಪರಿಪಾಲಾ

ಶ್ರೀ ರಮಣ ಕರುಣಾಲವಾಲ - ದೇವ

ನೀರದ ಶ್ಯಾಮ ಗೋಪಾಲಾ 2

ಕರಿರಾಜವರದ ಪ್ರಮೇಯಾ ಎನ್ನ

ನರಿತು ನಡೆಸೊ ಯೋಗಿಧ್ಯೇಯ ||

ಸುರಮುನಿ ಹೃದಯ ನಿಕಾಯ -ನಮ್ಮ

ಪುರಂದರ ವಿಠಲರಾಯಾ 3