ನೀನೆ ದಯಾಸಂಪನ್ನನೊ neene dayasampannano

ನೀನೆ ದಯಾಸಂಪನ್ನನೊ - ಕಾವೇರಿ ರಂಗ

ನೀನೆ ಬ್ರಹ್ಮಾದಿವಂದ್ಯನೊ ಪ

ಬಂಧುಗಳೆಲ್ಲರ ಮುಂದಾ ದ್ರುಪದನ

ನಂದನೆಯೆಳತಂದು ಸೀರೆಯ ಸೆಳೆಯಲು ||

ನೊಂದು ಕೃಷ್ಣ ಸಲಹೆಂದರೆ ಅಕ್ಷಯ

ಕುಂದದಲಿತ್ತ ಮುಕುಂದನು ನೀನೇ 1

ನಿಂದಿತ ಕರ್ಮಗಳೊಂದು ಬಿಡದೆ ಬೇ-

ಕೆಂದು ಮಾಡಿದನಂದಜಮಿಳನು ||

ಕಂದಗೆ ನಾರಗನೆಂದರೆ ಮುಕುತಿಯ

ಕುಂದದಲಿತ್ತ ಮುಕುಂದನು ನೀನೇ 2

ಮತ್ತಗಜವನೆಗಳೊತ್ತಿ ಪಿಡಿಯೆ ಬಲು

ಒತ್ತಿ ರಭಸದಿ ಬಿತ್ತರಿಸಲು ಗುಣ ||

ಭೃತ್ಯವರದ ಶ್ರೀ ಪುರಂದರವಿಠಲ

ಹಸ್ತಿಗೊಲಿದ ಪರವಸ್ತುವು ನೀನೇ 3