ಆರುತೀಯ ತಾರೆ ಶ್ರೀಹರಿಗೆ aarutiya taare shri harige

ಆರುತೀಯ ತಾರೆ ಶ್ರೀಹರಿಗೆ ಸುರಸಾರ್ವಭೌಮಗೆ ಪ

ವಾರಿಜನಾಭಗೆ ನೀರದಾಭಗೆ ಬಾರೆ

ಬೇಗನೆ ಸಾರಸಾಂಬಕಿಅ.ಪ

ಮಾರಜನಕಗೆ ವಾರಿಜಭವ ಕು-

ಮಾರ ಜನಕ ಮುಖಾಮರೇಡ್ಯಗೆ

ಮಾರವೈರಿ ಚಾಪ ಮುರಿದ ಸುಕು-

ಮಾರ ಶರೀರ ಸೀತಾರಾಮ ಚಂದ್ರಗೆ 1

ಇಂದಿರವರಗೆ ಮಂದರಧರ ಪು-

ರಂದರಾನುಜ ಸಿಂಧುಶಯನಗೆ

ಮಂದಯಾನೆ ಛಂದದಿಂದ ಬಂದೀಗ

ವಂದೀಶ್ಯಾನಂದಾದಿ ಬೆಳಗಲು 2

ವಾರಣಭಯ ನಿವಾರಣ ಜಗ-

ತ್ಕಾರಣಗೆ ಸುಖಪೂರ್ಣದೇಹಗೆ

ಸೇರಿ ತನ್ನ ಸೇವಿಪರಘ ದೂರ

ಕೊಪ್ಪರ ಶ್ರೀ ನಾರಸಿಂಹನಿಗೆ 3