ತಾರಿಸೊ ಶ್ರೀಹರಿ ತಾರಿಸೊ taarisu shree taariso

ತಾರಿಸೊ ಶ್ರೀಹರಿ ತಾರಿಸೊ ಪ

ತಾರಿಸೊ ಭವವ ನಿವಾರಿಸೊ ನಿನ್ನಡಿಯ ತೋರಿಸೊ ವೈಕುಂಠ ಸೇರಿಸೋ ರಂಗಯ್ಯ ಅ.ಪ

ಪಾಪವಿನಾಶನ ಮಾಡುವಿ ನೀ ತಾಪಸರನು ನಿತ್ಯ ಸಲಹುವಿ ||

ವ್ಯಾಪಿಸಿ ಸರ್ವತ್ರ ನಿನ್ನವರನು ಕಾಯ್ವ ಶ್ರೀ ಪಾಂಡುರಂಗ ಪರಮಾತ್ಮ ಮುಕುಂದ 1

ಹಿರಣ್ಯಕಶಿಪುವನು ಸೀಳಿದೆ ಅವನ ಕರುಳನು ಕೊರಳೊಳು ಹಾಕಿದೆ ||

ದುರಳ ಬುದ್ಧಿಯ ತಳೆದ ದೈತ್ಯಾಧಮನ ಕೊಂದ ಕರುಣ ದಿಂದಲಿ ಕಂದಗೊಲಿದೆ ಗೋವಿಂದ 2

ಅಸುರೆ ಪೂತನಿಯ ಸಂಹರಿಸಿದೆ ನೀ ಶಶಿಮುಖಿಯಭಿಮಾನ ಕಾಯ್ದೆ ||

ಶಿಶುವಾಗಿ ಬಾಲಲೀಲೆಗಳನು ತೋರಿದೆ ಕುಸುಮನಾಭ ಶ್ರೀ ಪುರಂದರ ವಿಠಲ 3