Raghavendra Foundation

Sunday, 12 July 2020

ಆಪೋಶನ ಅಭ್ಯಂಜನ ಆಚಮನ ಮಾಡಲು

ತನ್ನೆಡಗೈಯಿಂದ ತಾನೆ ವರ್ತಿಸಲು

ಆ ಪುರುಷಂಗೆ ಆದ ಪುತ್ರರು ಮಡಿವರು

ಆಪತ್ತು ತಂದು ಬಿಡುವ ಪುರಂದರವಿಠಲ.

ಆನೆಯನ್ನು ಕಾಯುವಾಗ e್ಞÁನವಿದ್ದುದು ಏನು|

ನಾನೀಗ ಕೂಗಲು ಕೇಳದಿದ್ದುದು ಏನು |

ದಾನವಾಂತಕÀ ಹರಿ ದೀನರಕ್ಷಕನೆಂಬ |

ಮಾನ ಉಳಿಸಿಕೊಳ್ಳೋ ಪುರಂದರವಿಠಲ |

ಆದಿ ಸೃಷ್ಟಿಯಲಾರು ಮೊದಲೆ ಉದಿಸಿದರೇನು

ಅವರವರೆ ಅಧಿಕರಧಿಕರಯ್ಯ

ಕಾಲಾಜಯಾದಿಗಳು ಮೊದಲೆ ಉದಿಸಿದರೇನು

ಅವರವರೆ ಅಧಿಕರಧಿಕರಯ್ಯ

ಅವರಂತರಂತರ ಅವರ ನೋಡಯ್ಯ

ಅವರವರೆ ಆಧಿಕರಧಿಕರಯ್ಯ

ಪುರಂದರ ವಿಠಲನ ಸಂತತಿ ನೋಡಯ್ಯ

ಅವರವರೆ ಅಧಿಕರಧಿಕರಯ್ಯ

ಆಕಳ ಕಿವಿಗೆ ಎಣ್ಣೆ ಅಂಗೈ ಹಳ್ಳವಾಗಿರಬೇಕು

ಉದ್ದು ಮುಣಗುವಂತೆ ಇರಬೇಕು

ನೀರ ಸಾಕಾಗದೆ ಹೆಚ್ಚು ಕಡಮೆ ಸಾಕೆಂಬಷ್ಟು ಕುಡಿದರೆ

ಸಾಕಾರ ಪುರಂದರವಿಠಲ ಮದ್ಯಸಮ ಮಾಡುವ.

ಅಲ್ಲಿ ವನಗಳುಂಟು ಆ ಪ್ರಾಕೃತವಾದ

ಫಲ ಪುಷ್ಪಗಳಿಂದೊಪ್ಪುತ್ತಲಿಹುದು

ಪಕ್ಷಿಜಾತಿಗಳುಂಟು ಅತಿವಿಲಕ್ಷಣವಾದ

ಕಿಲಕಿಲ ಶಬ್ದವು ರಂಜಿಸುವ ನುಡಿಗಳು

ಮುಕುತರು ಬಂದು ಜಲಕ್ರೀಡೆಗಳ ಮಾಡಿ (ಕುಳಿತು) ಸುಖಿಪರು

ಇಂಥ ಸುಖ ಬೇಕಾದರೆ ನೀಚವೃತ್ತಿಯ ಬಿಟ್ಟು

ಪರಲೋಕ ಸುಖವೀವ ಪುರಂದರ ವಿಠಲನ

ಭಜಿಸು ಜೀವ.

ಅಲ್ಲದ ಕರ್ಮವ ಆಚರಿಸಿದವ ಕೆಟ್ಟ

ಬಲ್ಲಿದರೊಳು ಸೆಣಸಿ ಮೆರೆದವ ಕೆಟ್ಟ

ಲಲ್ಲೆ ಮಾತಿನ ಸತಿಯರ ನಂಬಿದವ ಕೆಟ್ಟ

ಫುಲ್ಲನಾಭ ಸಿರಿಪುರಂದರವಿಠಲನ

ಮೆಲ್ಲಡಿಗಳ ನಂಬದವ ಕೆಟ್ಟ

ನರಗೇಡಿ-ಬಲ್ಲಿದರೊಳು ಸೆಣಸಿದವ ಕೆಟ್ಟ.

ಅರ್ಭಕನ ತೊದಲ್ನುಡಿ (ಗೆ) ತಾಯ್ತಂದೆ (ಯರು) ಕೇಳಿ ಮನ |

ಉಬ್ಬಿ ನಲಿವಂದದಲಿ ಉರಗಶಯನ (ನೆ)

ಕೊಬ್ಬಿ ನಾನಾಡಿದರೆ ತಾಳಿ ರಕ್ಷಿಸುವ ಎನ್ನ |

ಕಬ್ಬು ಬಿಲ್ಲನಯ್ಯ ಪುರಂದರ ವಿಠಲ.