ಮಂಗಳ ಶ್ರೀ ರಾಘವೇಂದ್ರಗೆ mangala Shri raghavendra

ಮಂಗಳ ಶ್ರೀ ರಾಘವೇಂದ್ರಗೆ ಶುಭ

ಮಂಗಳ ಸುಜನಾಂಬುಧಿ ಚಂದ್ರಗೆ ಪ

ಶ್ರೀ ಸುಧೀಂದ್ರ ಕುಮಾರಗೆ ಮಂಗಳ

ಭೂಸುರನುತ ಮಹಿಮಗೆ ಮಂಗಳ

ದೇಶಿಕ ಕುಲವನ ಜಾತನಿಗೆ ಮಂಗಳ

ಭಾಸುರ ಕೀರ್ತಿಯ ಪಡೆದವಗೆ 1

ವೃಂದಾವನ ದಿವಿಯೊಳಗೆ ಸುರದ್ರುಮ

ದಂದದಿ ರಾಜಿಸುವವಗೆ ಮಂಗಳ

ಅಂಧ ಪಂಗು ಮೂಕ ಬಧಿರರೀಪ್ಸಿತ

ಸಂದೋಹ ಸಲಿಸುವ ಮುನಿಗೆ 2

ಭೂತ ಪ್ರೇತ ಬೇತಾಳ ವಿಪಿನ ಭಯ

ವೀತಿಹೋತ್ರನಿಗೆ ಮಂಗಳ

ವಾತ ಜನಕ ಜಗನ್ನಾಥ ವಿಠ್ಠಲನ

ದೂತರ ಸಲಹುವ ದಾತನಿಗೆ 3