ನಾ ಮುಂದೆ ಕೃಷ್ಣ ನೀ ಎನ್ನ ಹಿಂದೆ naa munde krishna

ನಾ ಮುಂದೆ ಕೃಷ್ಣ ನೀ ಎನ್ನ ಹಿಂದೆ-ನಿನ್ನ-|

ನಾಮವೆ ಕಾಯಿತು ನಾನೇನೆಂದೆ ಪ

ಸುರತರು ನೀನು ಫಲ ಬಯಸುವೆ ನಾನು |

ಸುರಧೇನು ನೀನು ಕರೆದುಂಬೆ ನಾನು ||

ವರಚಿಂತಾಮಣಿ ನೀನು ಪರಿಚಿಂತಿಸುವೆ ನಾನು |

ಶರಧಿಕ್ಷೀರನು ನೀನು ತರಳನೈ ನಾನು 1

ಅನಾಥನೈ ನಾನು ಎನಗೆ ಬಂಧುವು ನೀನು |

ದೀನ ಮಾನವ ನಾನು ದಯವಂತ ನೀನು ||

ದಾನವಂತಕ ನೀನು ಧೇನಿಸುವೆನು ನಾನು |

e್ಞÁನಗಂಭೀರ ನೀನು ಅಙÁ್ಞನಿ ನಾನು 2

ಒಂದರೊಳೊಂದೊಂದು ನಿನಗೆ ನಾ ಸಲಿಸುವೆ |

ಚೆಂದವಾಯಿತು ನಿನ್ನ ಸ್ತುತಿಯಿಂದಲಿ ||

ತಂದೆ ಪುರಂದರವಿಠಲರಾಯ ನೀ |

ಬಂದೆನ್ನ ಮನದಲ್ಲಿ ನಲಿನಲಿದಾಡೊ 3