ಶಿವಸುಖ ದಾರಿಯ ನೋಡಣ್ಣಾ shiva sukha dariya nodanna

ಶಿವಸುಖ ದಾರಿಯ ನೋಡಣ್ಣಾ  ಅದು ಕೂದಲ ಎಳೆಕಿಂತ ಬಲು ಸಣ್ಣಾ\\ ಪ\\

ಭವದಲಿ ಮುಳುಗಿಹ ಪ್ರಾಣಿಯ ಕಾಣದೆ  ಘವ ಘವಿಸುವ ಚಿನ್ನದ ಬಣ್ಣಾ \\ಅ.ಪ.\\

ಸಾಸಿವೆ ಕಾಳಿಗೆ ಸಾಸಿರ ಭಾಗಕೆ ಮೀರಿ ಉಳಿದಿಹುದಣ್ಣಾ ||

ಘೋಷ ಸುಶಬ್ದದ ದಶಮದ್ವಾರದಿ  ಭಾಸುರ ಪರಮಣು ದ್ವಾರಣ್ಣಾ \\1\\

ಸೂಜಿಯ ಮೊನೆಕಿಂತ ಸೂಕ್ಷಕೆ ಅತೀತನು  ಶೂನ್ಯಕೆ ಬೆಳಗುತ್ತಿಹುದಣ್ಣಾ || 

ಈ ಜಗವೆಲ್ಲವು ಮೃಗಜಲದಂದದಿ  ಸಚ್ಚಿತ್ಸೂರ್ಯನ ಕಿರಣಣ್ಣಾ \\2\\

ಅನುಭವ ಯೋಗಿಗೆ ಅನುಕೂಲವಾಗಿಹುದನಿಮಿಷ ದೃಷ್ಟಿಲಿ ಬಗೆಯಣ್ಣಾ || 

ಘನಗುರು ಶಂಕರ ತನ್ಮಯನಾಗಿಹ ಚಿನುಮಯ ಗುರುತವೆ ನಿಜವಣ್ಣಾ  \\3\\