ನಿಂದಕರಿರಬೇಕಿರಬೇಕು nindakarirabeku

ನಿಂದಕರಿರಬೇಕಿರಬೇಕು

ಹಂದಿಯಿದ್ದರೆ ಕೇರಿ ಹೇಗೆ ಶುದ್ಧಿಯೋ ಹಾಗೇ ಪ.

ಅಂದಂದು ಮಾಡಿದ ಪಾಪವೆಂಬ ಮಲ

ತಿಂದು ಹೋಗುವರಯ್ಯ ನಿಂದಕರು

ವಂದಿಸಿ ಸ್ತುತಿಸುವ ಜನರೆಲ್ಲರು ನಮ್ಮ

ಪೊಂದಿಗ ಪುಣ್ಯವನ್ನೆಯ್ಯುವರಯ್ಯ 1

ದುಷ್ಠ ಜನರು ಈ ಸೃಷ್ಟಿಯೊಳಿದ್ದರೆ

ಶಿಷ್ಟ ಜನರಿಗೆಲ್ಲ ಕೀರ್ತಿಗಳೂ

ಇಷ್ಟಪ್ರದ ಶ್ರೀ ಕೃಷ್ಣನೆ ನಿನ್ನೊಳು

ಇಷ್ಟೇ ವರವನು ಬೇಡುವೆನಯ್ಯ 2

ದುರುಳ ಜನಂಗಳು ಚಿರಕಾಲ ಇರುವಂತೆ

ಕರವ ಮುಗಿದು ವರ ಬೇಡುವೆನು

ಪರಿಪರಿ ತಮಾಸಿಗೆ ಗುರಿಯಿಲ್ಲದೆ

ಪರಮ ದಯಾನಿಧಿ ಪುರಂದರವಿಠಲ 3