ಕಂಡು ಧನ್ಯನಾದೆ ಗುರುಗಳ ಕಣ್ಣಾರೆ ನಾ Kandu Kandu Dhanyanade

ಕಂಡು ಧನ್ಯನಾದೆ ಗುರುಗಳ ಕಣ್ಣಾರೆ ನಾ

ಕಂಡು ಧನ್ಯನಾದೆ ನಮ್ಮ ಈ ಗುರುಗಳ ||

ತುಂಗಾತಟದಿ ಬಂದು ನಿಂತ

ಪಂಗು ಬಧಿರಾದ್ಯಂಗಹೀನರ

ಅಂಗಗೈಸಿ ಸಲಹುವ ನರಸಿಂಗನಂಘ್ರಿ

ಭಜಕರಿವರ || ೧ ||

ಗುರುವರ ಸುಗುಣೇಂದ್ರರಿಂದ

ಪರಿಪರಿಯಲಿ ಸೇವೆಗೊಳುತ

ವರಮಂತ್ರಾಲಯಪುರದಿ ಮೆರೆವ

ಪರಿಮಳಾಖ್ಯ ಗ್ರಂಥಕರ್ತರ || ೨ ||

ಸೋಹಂ ಎನ್ನದೆ ಹರಿಯ ದಾಸೋಹಂ

ಎನ್ನಲು ಒಲಿದು

ವಿಜಯ ಮೋಹನವಿಠಲನ ಪರಮ

ಸ್ನೇಹದಿಂದ ತೋರುವವರ || ೩ ||