ಡೊಂಕುಬಾಲದ ನಾಯಕರೆ donku balada naayakare

ಡೊಂಕುಬಾಲದ ನಾಯಕರೆ ನೀವೇನೂಟವ ಮಾಡಿದಿರಿ \\ ಪ\\.

ಕಣಕ ಕುಟ್ಟುವಲ್ಲಿಗೆ ಹೋಗಿ  ಹಣಿಕಿ ಹಣಿಕಿ ನೋಡುವಿರಿ ||

ಕಣಕ ಕುಟ್ಟೋ ಒನಕಿಲಿಬಡಿದರೆ ಕುಂಯ್ ಕುಂಯ್ ರಾಗವ ಮಾಡುವಿರಿ \\1\\

ಹುಗ್ಗಿ ಮಾಡುವಲ್ಲಿಗೆ ಹೋಗಿ ತಗ್ಗಿ ಬಗ್ಗಿ ನೋಡುವಿರಿ ||

ಹುಗ್ಗಿ ಮಾಡುವ ಸವಟಿಲಿ ಬಡಿದರೆ ಕುಂಯ್ ಕುಂಯ್ ರಾಗವ ಮಾಡುವಿರಿ \\2\\

ಹಿರಿಯ ಬೀದಿಯಲಿ ಓಡುವಿರಿ ಕರಿಯ ಬೂದಿಯಲಿ ಹೊರಳುವಿರಿ ||

ಪುರಂದರವಿಠಲರಾಯನ ಈ ಪರಿಮರೆತು ಸದಾ ನೀವು ತಿರುಗುವಿರಿ\\3\\