ವಾಯುಸ್ತುತಿಃ vayusthuti

 ವಾಯುಸ್ತುತಿಃ ಅಥವಾ ಖಿಲವಾಯುಸ್ತುತಿಃ 
 ॥ ಶ್ರೀಹರಿವಾಯುಸ್ತುತಿಃ ॥

 ॥ ಅಥ ಶ್ರೀನಖಸ್ತುತಿಃ ॥

ಪಾನ್ತ್ವಸ್ಮಾನ್ ಪುರುಹೂತವೈರಿ ಬಲವನ್ಮಾತಂಗ ಮಾದ್ಯದ್ಘಟಾ ।
ಕುಮ್ಭೋಚ್ಚಾದ್ರಿ ವಿಪಾಟನಾಧಿಕಪಟು ಪ್ರತ್ಯೇಕ ವಜ್ರಾಯಿತಾಃ ।
ಶ್ರೀಮತ್ಕಂಠೀರವಾಸ್ಯ ಪ್ರತತ ಸುನಖರಾ ದಾರಿತಾರಾತಿದೂರ ।
ಪ್ರದ್ಧ್ವಸ್ತಧ್ವಾನ್ತ ಶಾನ್ತ ಪ್ರವಿತತ ಮನಸಾ ಭಾವಿತಾನಾಕಿವೃನ್ದೈಃ ॥ 1॥ ಭಾವಿತಾ ಭೂರಿಭಾಗೈಃ
ಲಕ್ಷ್ಮೀಕಾನ್ತ ಸಮನ್ತತೋಽಪಿಕಲಯನ್ ನೈವೇಶಿತುಸ್ತೇ ಸಮಮ್ ।
ಪಶ್ಯಾಮ್ಯುತ್ತಮ ವಸ್ತು ದೂರತರತೋಪಾಸ್ತಂ ರಸೋಯೋಽಷ್ಟಮಃ ।
ಯದ್ರೋಶೋತ್ಕರ ದಕ್ಷ ನೇತ್ರ ಕುಟಿಲ ಪ್ರಾನ್ತೋತ್ಥಿತಾಗ್ನಿ ಸ್ಫುರತ್ ।
ಖದ್ಯೋತೋಪಮ ವಿಸ್ಫುಲಿಂಗಭಸಿತಾ ಬ್ರಹ್ಮೇಶಶಕ್ರೋತ್ಕರಾಃ ॥ 2॥

          ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯವಿರಚಿತಾ
          ಶ್ರೀನೃಸಿಂಹನಖಸ್ತುತಿಃ ಸಮ್ಪುರ್ಣಾ ।
 ॥ ಅಥ ಶ್ರೀಹರಿವಾಯುಸ್ತುತಿಃ ॥

ಶ್ರೀಮದ್ವಿಷ್ಣ್ವಂಘ್ರಿ ನಿಷ್ಠಾ ಅತಿಗುಣಗುರುತಮ ಶ್ರೀಮದಾನನ್ದತೀರ್ಥ ।
ತ್ರೈಲೋಕ್ಯಾಚಾರ್ಯ ಪಾದೋಜ್ಜ್ವಲ ಜಲಜಲಸತ್ ಪಾಂಸವೋಽಸ್ಮಾನ್ಪುನನ್ತು ।
ವಾಚಾಂಯತ್ರಪ್ರಣೇತ್ರೀತ್ರಿಭುವನಮಹಿತಾ ಶಾರದಾ ಶಾರದೇನ್ದುಃ ।
ಜ್ಯೋತ್ಸ್ನಾಭದ್ರಸ್ಮಿತ ಶ್ರೀಧವಳಿತಕಕುಭಾಪ್ರೇಮಭಾರಮ್ಬಭಾರ ॥ 1॥

ಉತ್ಕಂಠಾಕುಂಠಕೋಲಾಹಲಜವವಿದಿತಾಜಸ್ರಸೇವಾನುವೃದ್ಧ ।
ಪ್ರಾಜ್ಞಾತ್ಮಜ್ಞಾನ ಧೂತಾನ್ಧತಮಸಸುಮನೋ ಮೌಲಿರತ್ನಾವಳೀನಾಮ್ ।
ಭಕ್ತ್ಯುದ್ರೇಕಾವಗಾಢ ಪ್ರಘಟನಸಘಟಾತ್ಕಾರ ಸಂಘೃಷ್ಯಮಾಣ ।
ಪ್ರಾನ್ತಪ್ರಾಗ್ರ್ಯಾಂಘ್ರಿ ಪೀಠೋತ್ಥಿತ ಕನಕರಜಃ ಪಿಂಜರಾರಂಜಿತಾಶಾಃ ॥ 2॥

ಜನ್ಮಾಧಿವ್ಯಾಧ್ಯುಪಾಧಿಪ್ರತಿಹತಿವಿರಹಪ್ರಾಪಕಾಣಾಂ ಗುಣಾನಾಮ್ ।
ಅಗ್ರ್ಯಾಣಾಂ ಅರ್ಪಕಾಣಾಂ ಚಿರಮುದಿತಚಿದಾನನ್ದ ಸನ್ದೋಹದಾನಾಮ್ ।
ಏತೇಷಾಮೇಶದೋಷ ಪ್ರಮುಷಿತಮನಸಾಂ ದ್ವೇಷಿಣಾಂ ದೂಷಕಾಣಾಮ್ ।
ದೈತ್ಯಾನಾಮಾರ್ಥಿಮನ್ಧೇ ತಮಸಿ ವಿದಧತಾಂ ಸಂಸ್ತವೇನಾಸ್ಮಿ ಶಕ್ತಃ ॥ 3॥

ಅಸ್ಯಾವಿಷ್ಕರ್ತುಕಾಮಂ ಕಲಿಮಲಕಲುಷೇಽಸ್ಮಿನ್ಜನೇಜ್ಞಾನಮಾರ್ಗಮ್ ।
ವನ್ದ್ಯಂ ಚನ್ದ್ರೇನ್ದ್ರರುದ್ರ ದ್ಯುಮಣಿಫಣಿವಯೋಃ ನಾಯಕದ್ಯೈರಿಹಾದ್ಯ ।
ಮಧ್ವಾಖ್ಯಂ ಮನ್ತ್ರಸಿದ್ಧಂ ಕಿಮುತಕೃತವತೋ ಮಾರುತಸ್ಯಾವತಾರಮ್ ।
ಪಾತಾರಂ ಪಾರಮೇಷ್ಟ್ಯಂ ಪದಮಪವಿಪದಃ ಪ್ರಾಪ್ತುರಾಪನ್ನ ಪುಂಸಾಮ್ ॥ 4॥

ಉದ್ಯದ್ವಿದ್ಯುತ್ಪ್ರಚಂಡಾಂ ನಿಜರುಚಿ ನಿಕರವ್ಯಾಪ್ತ ಲೋಕಾವಕಾಶೋ ।
ಬಿಭ್ರದ್ಭೀಮೋ ಭುಜೇಯೋಽಭ್ಯುದಿತ ದಿನಕರಾಭಾಂಗದಾಢ್ಯ ಪ್ರಕಾಂಡೇ ।
ವೀರ್ಯೋದ್ಧಾರ್ಯಾಂ ಗದಾಗ್ರ್ಯಾಮಯಮಿಹ ಸುಮತಿಂವಾಯುದೇವೋವಿದಧ್ಯಾತ್ ।
ಅಧ್ಯಾತ್ಮಜ್ಞಾನನೇತಾ ಯತಿವರಮಹಿತೋ ಭೂಮಿಭೂಷಾಮರ್ಣಿಮೇ ॥ 5॥

ಸಂಸಾರೋತ್ತಾಪನಿತ್ಯೋಪಶಮದ ಸದಯ ಸ್ನೇಹಹಾಸಾಮ್ಬುಪೂರ ।
ಪ್ರೋದ್ಯದ್ವಿದ್ಯಾವನದ್ಯ ದ್ಯುತಿಮಣಿಕಿರಣ ಶ್ರೇಣಿಸಮ್ಪೂರಿತಾಶಃ ।
ಶ್ರೀವತ್ಸಾಂಕಾಧಿ ವಾಸೋಚಿತ ತರಸರಲಶ್ರೀಮದಾನನ್ದತೀರ್ಥ ।
ಕ್ಷೀರಾಮ್ಭೋಧಿರ್ವಿಭಿನ್ದ್ಯಾದ್ಭವದನಭಿಮತಮ್ಭೂರಿಮೇಭೂತಿ ಹೇತುಃ ॥ 6॥

ಮೂರ್ಧನ್ಯೇಷೋಽನ್ಜಲಿರ್ಮೇ ದೃಢತರಮಿಹತೇ ಬಧ್ಯತೇ ಬನ್ಧಪಾಶ ।
ಕ್ಷೇತ್ರೇಧಾತ್ರೇ ಸುಖಾನಾಂ ಭಜತಿ ಭುವಿ ಭವಿಷ್ಯದ್ವಿಧಾತ್ರೇ ದ್ಯುಭರ್ತ್ರೇ ।
ಅತ್ಯನ್ತಂ ಸನ್ತತಂ ತ್ವಂ ಪ್ರದಿಶ ಪದಯುಗೇ ಹನ್ತ ಸನ್ತಾಪ ಭಾಜಾಮ್ ।
ಅಸ್ಮಾಕಂ ಭಕ್ತಿಮೇಕಾಂ ಭಗವತ ಉತತೇ ಮಾಧವಸ್ಯಾಥ ವಾಯೋಃ ॥ 7॥

ಸಾಭ್ರೋಷ್ಣಾಭೀಶು ಶುಭ್ರಪ್ರಭಮಭಯನಭೋ ಭೂರಿಭೂಭೃದ್ವಿಭೂತಿಃ ।
ಭ್ರಾಜಿಷ್ಣುರ್ಭೂರೃಭೂಣಾಂ ಭವನಮಪಿ ವಿಭೋಽಭೇದಿಬಭ್ರೇಬಭೂವೇ ।
ಯೇನಭ್ರೋವಿಭ್ರಮಸ್ತೇ ಭ್ರಮಯತುಸುಭೃಶಂ ಬಭ್ರುವದ್ದುರ್ಭೃತಾಶಾನ್ ।
ಭ್ರಾನ್ತಿರ್ಭೇದಾವ ಭಾಸಸ್ತ್ವಿತಿಭಯಮಭಿ ಭೋರ್ಭೂಕ್ಷ್ಯತೋಮಾಯಿಭಿಕ್ಷೂನ್ ॥ 8॥

ಯೇಽಮುಮ್ಭಾವಮ್ಭಜನ್ತೇ ಸುರಮುಖಸುಜನಾರಾಧಿತಂ ತೇ ತೃತೀಯಮ್ ।
ಭಾಸನ್ತೇ ಭಾಸುರೈಸ್ತೇ ಸಹಚರಚಲಿತೈಶ್ಚಾಮರೈಶ್ಚಾರುವೇಶಾಃ ।
ವೈಕುಂಠೇ ಕಂಠಲಗ್ನ ಸ್ಥಿರಶುಚಿ ವಿಲಸತ್ಕಾನ್ತಿ ತಾರುಣ್ಯಲೀಲಾ ।
ಲಾವಣ್ಯಾ ಪೂರ್ಣಕಾನ್ತಾ ಕುಚಭರಸುಲಭಾಶ್ಲೇಷಸಮ್ಮೋದಸಾನ್ದ್ರಾಃ ॥ 9॥

ಆನನ್ದಾನ್ಮನ್ದಮನ್ದಾ ದದತಿ ಹಿ ಮರುತಃ ಕುನ್ದಮನ್ದಾರನನ್ದ್ಯಾವರ್ತಾ ।
ಽಮೋದಾನ್ ದಧಾನಾಂ ಮೃದುಪದ ಮುದಿತೋದ್ಗೀತಕೈಃ ಸುನ್ದರೀಣಾಮ್ ।
ವೃನ್ದೈರಾವನ್ದ್ಯ ಮುಕ್ತೇನ್ದ್ವಹಿಮಗು ಮದನಾಹೀನ್ದ್ರ ದೇವೇನ್ದ್ರಸೇವ್ಯೇ ।
ಮೌಕುನ್ದೇ ಮನ್ದರೇಽಸ್ಮಿನ್ನವಿರತಮುದಯನ್ಮೋದಿನಾಂ ದೇವ ದೇವ ॥ 10॥

ಉತ್ತಪ್ತಾತ್ಯುತ್ಕಟತ್ವಿಟ್ ಪ್ರಕಟಕಟಕಟ ಧ್ವಾನಸಂಘಟ್ಟನೋದ್ಯದ್ ।
ವಿದ್ಯುದ್ವ್ಯೂಢಸ್ಫುಲಿಂಗ ಪ್ರಕರ ವಿಕಿರಣೋತ್ಕ್ವಾಥಿತೇ ಬಾಧಿತಾಂಗಾನ್ ।
ಉದ್ಗಾಢಮ್ಪಾತ್ಯಮಾನಾ ತಮಸಿ ತತ ಇತಃ ಕಿಂಕರೈಃ ಪಂಕಿಲೇತೇ ।
ಪಂಕ್ತಿರ್ಗ್ರಾವ್ಣಾಂ ಗರಿಮ್ಣಾಂ ಗ್ಲಪಯತಿ ಹಿ ಭವದ್ವೇಷಿಣೋ ವಿದ್ವದಾದ್ಯ ॥ 11॥

ಅಸ್ಮಿನ್ನಸ್ಮದ್ಗುರೂಣಾಂ ಹರಿಚರಣ ಚಿರಧ್ಯಾನ ಸನ್ಮಂಗಲಾನಾಮ್ ।
ಯುಷ್ಮಾಕಂ  ಪಾರ್ಷ್ವಭೂಮಿಂ ಧೃತರಣರಣಿಕಃ ಸ್ವರ್ಗಿಸೇವ್ಯಾಂಪ್ರಪನ್ನಃ ।
ಯಸ್ತೂದಾಸ್ತೇ ಸ ಆಸ್ತೇಽಧಿಭವಮಸುಲಭ ಕ್ಲೇಶ ನಿರ್ಮೂಕಮಸ್ತ ।
ಪ್ರಾಯಾನನ್ದಂ ಕಥಂ ಚಿನ್ನವಸತಿ ಸತತಂ ಪಂಚಕಷ್ಟೇಽತಿಕಷ್ಟೇ ॥ 12॥

ಕ್ಷುತ್ ಕ್ಷಾಮಾನ್ ರೂಕ್ಷರಕ್ಷೋ ರದಖರನಖರ ಕ್ಷುಣ್ಣವಿಕ್ಷೋಭಿತಾಕ್ಷಾನ್ ।
ಆಮಗ್ನಾನಾನ್ಧಕೂಪೇ ಕ್ಷುರಮುಖಮುಖರೈಃ ಪಕ್ಷಿಭಿರ್ವಿಕ್ಷತಾಂಗಾನ್ ।
ಪೂಯಾಸೃನ್ಮೂತ್ರ ವಿಷ್ಠಾ ಕ್ರಿಮಿಕುಲಕಲಿಲೇತತ್ಕ್ಷಣಕ್ಷಿಪ್ತ ಶಕ್ತ್ಯಾದ್ಯಸ್ತ್ರ ।
ವ್ರಾತಾರ್ದಿತಾನ್ ಸ್ತ್ವದ್ವಿಷ ಉಪಜಿಹತೇ ವಜ್ರಕಲ್ಪಾ ಜಲೂಕಾಃ ॥ 13॥

ಮಾತರ್ಮೇಮಾತರಿಶ್ವನ್ ಪಿತರತುಲಗುರೋ ಭ್ರಾತರಿಷ್ಟಾಪ್ತಬನ್ಧೋ ।
ಸ್ವಾಮಿನ್ಸರ್ವಾನ್ತರಾತ್ಮನ್ನಜರಜರಯಿತಃ ಜನ್ಮಮೃತ್ಯಾಮಯಾನಾಮ್ ।
ಗೋವಿನ್ದೇ ದೇಹಿಭಕ್ತಿಂ ಭವತಿಚ ಭಗವನ್ನೂರ್ಜಿತಾಂ ನಿರ್ನಿಮಿತ್ತಾಮ್ ।
ನಿರ್ವ್ಯಾಜಾಂ ನಿಶ್ಚಲಾಂ ಸದ್ಗುಣಗಣ ಬೃಹತೀಂ ಶಾಶ್ವತೀಮಾಶುದೇವ ॥ 14॥

ವಿಷ್ಣೋರತ್ತ್ಯುತ್ತಮತ್ವಾದಖಿಲಗುಣಗಣೈಸ್ತತ್ರ ಭಕ್ತಿಂಗರಿಷ್ಠಾಮ್ ।
ಸಂಶ್ಲಿಷ್ಟೇ ಶ್ರೀಧರಾಭ್ಯಾಮಮುಮಥ ಪರಿವಾರಾತ್ಮನಾ ಸೇವಕೇಷು ।
ಯಃ ಸನ್ಧತ್ತೇ ವಿರಿಂಚಿ ಶ್ವಸನ ವಿಹಗಪಾನನ್ತ ರುದ್ರೇನ್ದ್ರ ಪೂರ್ವೇ ।
ಷ್ವಾಧ್ಯಾಯಂಸ್ತಾರತಮ್ಯಂ ಸ್ಫುಟಮವತಿ ಸದಾ ವಾಯುರಸ್ಮದ್ಗುರುಸ್ತಮ್ ॥ 15॥

ತತ್ತ್ವಜ್ಞಾನ್ ಮುಕ್ತಿಭಾಜಃ ಸುಖಯಿಸಿ ಹಿ ಗುರೋ ಯೋಗ್ಯತಾತಾರತಮ್ಯಾತ್ ।
ಆಧತ್ಸೇ ಮಿಶ್ರಬುದ್ಧಿಂ ಸ್ತ್ರಿದಿವನಿರಯಭೂಗೋಚರಾನ್ನಿತ್ಯಬದ್ಧಾನ್ ।
ತಾಮಿಸ್ರಾನ್ಧಾದಿಕಾಖ್ಯೇ  ತಮಸಿಸುಬಹುಲಂ ದುಃಖಯಸ್ಯನ್ಯಥಾಜ್ಞಾನ್ ।
ವಿಷ್ಣೋರಾಜ್ಞಾಭಿರಿತ್ಥಂ ಶೃತಿ ಶತಮಿತಿಹಾಸಾದಿ ಚಾಕರ್ಣಯಾಮಃ ॥ 16॥

ವನ್ದೇಽಹಂ ತಂ ಹನೂಮಾನಿತಿ ಮಹಿತಮಹಾಪೌರುಷೋ ಬಾಹುಶಾಲಿ ।
ಖ್ಯಾತಸ್ತೇಽಗ್ರ್ಯೋಽವತಾರಃ ಸಹಿತ ಇಹ ಬಹುಬ್ರಹ್ಮಚರ್ಯಾದಿ ಧರ್ಮೈಃ ।
ಸಸ್ನೇಹಾನಾಂ ಸಹಸ್ವಾನಹರಹರಹಿತಂ ನಿರ್ದಹನ್ ದೇಹಭಾಜಾಮ್ ।
ಅಂಹೋಮೋಹಾಪಹೋ ಯಃ ಸ್ಪೃಹಯತಿ ಮಹತೀಂ ಭಕ್ತಿಮದ್ಯಾಪಿ ರಾಮೇ ॥ 17॥

ಪ್ರಾಕ್ಪಂಚಾಶತ್ಸಹಸ್ರೈರ್ವ್ಯವಹಿತಮಹಿತಂ ಯೋಜನೈಃ ಪರ್ವತಂ ತ್ವಮ್ ।
ಯಾವತ್ಸಂಜೀವನಾದ್ಯೌಷಧ ನಿಧಿಮಧಿಕಪ್ರಾಣಲಂಕಾಮನೈಷಿಃ ।
ಅದ್ರಾಕ್ಷೀದುತ್ಪತನ್ತಂ ತತ ಉತ ಗಿರಿಮುತ್ಪಾಟಯನ್ತಂ ಗೃಹೀತ್ವಾ ।
ಯಾನ್ತಂ ಖೇ ರಾಘವಾಂಘ್ರೌ ಪ್ರಣತಮಪಿ ತದೈಕಕ್ಷಣೇ ತ್ವಾಂಹಿಲೋಕಃ ॥ 18॥

ಕ್ಷಿಪ್ತಃ ಪಶ್ಚಾತ್ಸತ್ಸಲೀಲಂ ಶತಮತುಲಮತೇ ಯೋಜನಾನಾಂ ಸ ।
ಉಚ್ಚಸ್ತಾವದ್ವಿಸ್ತಾರ ವಂಶ್ಚ್ಯಾಪಿ ಉಪಲಲವೈವ ವ್ಯಗ್ರಬುದ್ಧ್ಯಾ ತ್ವಯಾತಃ ।
ಸ್ವಸ್ವಸ್ಥಾನಸ್ಥಿತಾತಿ ಸ್ಥಿರಶಕಲ ಶಿಲಾಜಾಲ ಸಂಶ್ಲೇಷ ನಷ್ಟ ।
ಛೇದಾಂಕಃ ಪ್ರಾಗಿವಾಭೂತ್ ಕಪಿವರವಪುಷಸ್ತೇ ನಮಃ ಕೌಶಲಾಯ ॥ 19॥

ದೃಷ್ಟ್ವಾ ದೃಷ್ಟಾಧಿಪೋರಃ ಸ್ಫುಟಿತಕನಕ ಸದ್ವರ್ಮ ಘೃಷ್ಟಾಸ್ಥಿಕೂಟಮ್ ।
ನಿಷ್ಪಿಷ್ಟಂ ಹಾಟಕಾದ್ರಿ ಪ್ರಕಟ ತಟ ತಟಾಕಾತಿ ಶಂಕೋ ಜನೋಽಭೂತ್ ।
ಯೇನಾಜೌ ರಾವಣಾರಿಪ್ರಿಯನಟನಪಟುರ್ಮುಷ್ಟಿರಿಷ್ಟಂ ಪ್ರದೇಷ್ಟುಮ್ ।
ಕಿಂನೇಷ್ಟೇ ಮೇ ಸ ತೇಽಷ್ಟಾಪದಕಟ ಕತಟಿತ್ಕೋಟಿ ಭಾಮೃಷ್ಟ ಕಾಷ್ಠಃ ॥ 20॥

ದೇವ್ಯಾದೇಶ ಪ್ರಣೀತಿ ದೃಹಿಣ ಹರವರಾವದ್ಯ ರಕ್ಷೋ ವಿಘಾತಾ ।
ಽದ್ಯಾಸೇವೋದ್ಯದ್ದಯಾರ್ದ್ರಃ ಸಹಭುಜಮಕರೋದ್ರಾಮನಾಮಾ ಮುಕುನ್ದಃ ।
ದುಷ್ಪ್ರಾಪೇ ಪಾರಮೇಷ್ಠ್ಯೇ ಕರತಲಮತುಲಂ ಮೂರ್ಧಿವಿನ್ಯಸ್ಯ ಧನ್ಯಮ್ ।
ತನ್ವನ್ಭೂಯಃ ಪ್ರಭೂತ ಪ್ರಣಯ ವಿಕಸಿತಾಬ್ಜೇಕ್ಷಣಸ್ತ್ವೇಕ್ಷಮಾಣಃ ॥ 21॥

ಜಘ್ನೇನಿಘ್ನೇನವಿಘ್ನೋ  ಬಹುಲಬಲಬಕಧ್ವಂಸ ನಾದ್ಯೇನಶೋಚತ್ ।
ವಿಪ್ರಾನುಕ್ರೋಶ ಪಾಶೈರಸು ವಿಧೃತಿ ಸುಖಸ್ಯೈಕಚಕ್ರಾಜನಾನಾಮ್ ।
ತಸ್ಮೈತೇದೇವ ಕುರ್ಮಃ ಕುರುಕುಲಪತಯೇ ಕರ್ಮಣಾಚಪ್ರಣಾಮಾನ್ ।
ಕಿರ್ಮೀರಂ ದುರ್ಮತೀನಾಂ ಪ್ರಥಮಂ ಅಥ ಚ ಯೋ ನರ್ಮಣಾ ನಿರ್ಮಮಾಥ ॥ 22॥

ನಿರ್ಮೃದ್ನನ್ನತ್ಯ ಯತ್ನಂ ವಿಜರವರ ಜರಾಸನ್ಧ ಕಾಯಾಸ್ಥಿಸನ್ಧೀನ್ ।
ಯುದ್ಧೇ ತ್ವಂ ಸ್ವಧ್ವರೇ ವಾಪಶುಮಿವದಮಯನ್ ವಿಷ್ಣು ಪಕ್ಷದ್ವಿಡೀಶಮ್ ।
ಯಾವತ್ಪ್ರತ್ಯಕ್ಷ ಭೂತಂ ನಿಖಿಲಮಖಭುಜಂ ತರ್ಪಯಾಮಾಸಿಥಾಸೌ ।
ತಾವತ್ಯಾಯೋಜಿ ತೃಪ್ತ್ಯಾಕಿಮುವದ ಭಘವನ್ ರಾಜಸೂಯಾಶ್ವಮೇಧೇ ॥ 23॥

ಕ್ಷ್ವೇಲಾಕ್ಷೀಣಾಟ್ಟಹಾಸಹಂ ತವರಣಮರಿಹನ್ನುದ್ಗದೋದ್ದಾಮಬಾಹೋಃ ।
ಬಹ್ವಕ್ಷೌಹಿಣ್ಯ ನೀಕಕ್ಷಪಣ ಸುನಿಪುಣಂ ಯಸ್ಯ ಸರ್ವೋತ್ತಮಸ್ಯ ।
ಶುಷ್ರೂಶಾರ್ಥಂ ಚಕರ್ಥ ಸ್ವಯಮಯಮಥ ಸಂವಕ್ತುಮಾನನ್ದತೀರ್ಥ ।
ಶ್ರೀಮನ್ನಾಮನ್ಸಮರ್ಥಸ್ತ್ವಮಪಿ ಹಿ ಯುವಯೋಃ ಪಾದಪದ್ಮಂ ಪ್ರಪದ್ಯೇ ॥ 24॥

ದೃಹ್ಯನ್ತೀಂಹೃದೃಹಂ ಮಾಂ ದೃತಮನಿಲ ಬಲಾದ್ರಾವಯನ್ತೀಮವಿದ್ಯಾ ।
ನಿದ್ರಾಂವಿದ್ರಾವ್ಯ ಸದ್ಯೋ ರಚನಪಟುಮಥಾಪಾದ್ಯವಿದ್ಯಾಸಮುದ್ರ ।
ವಾಗ್ದೇವೀ ಸಾ ಸುವಿದ್ಯಾ ದ್ರವಿಣದ ವಿದಿತಾ ದ್ರೌಪದೀ ರುದ್ರಪತ್ನ್ಯಾತ್ ।
ಉದ್ರಿಕ್ತಾದ್ರಾಗಭದ್ರಾ ದ್ರಹಯತು ದಯಿತಾ ಪೂರ್ವಭೀಮಾಜ್ಞಯಾತೇ ॥ 25॥

ಯಾಭ್ಯಾಂ ಶುಶ್ರೂಷುರಾಸೀಃ  ಕುರುಕುಲ ಜನನೇ ಕ್ಷತ್ರವಿಪ್ರೋದಿತಾಭ್ಯಾಮ್ ।
ಬ್ರಹ್ಮಭ್ಯಾಂ ಬೃಂಹಿತಾಭ್ಯಾಂ ಚಿತಸುಖ ವಪುಷಾ ಕೃಷ್ಣನಾಮಾಸ್ಪದಾಭ್ಯಾಮ್ ।
ನಿರ್ಭೇದಾಭ್ಯಾಂ ವಿಶೇಷಾದ್ವಿವಚನ ವಿಶಯಾಭ್ಯಾಮುಭಾಭ್ಯಾಮಮೂಭ್ಯಾಮ್ ।
ತುಭ್ಯಂ ಚ ಕ್ಷೇಮದೇಭ್ಯಃ ಸರಿಸಿಜವಿಲಸಲ್ಲೋಚನೇಭ್ಯೋ ನಮೋಽಸ್ತು ॥ 26॥

ಗಚ್ಛನ್ ಸೌಗನ್ಧಿಕಾರ್ಥಂ ಪಥಿ ಸ ಹನುಮತಃ ಪುಚ್ಛಮಚ್ಛಸ್ಯ ।
ಭೀಮಃ ಪ್ರೋದ್ಧರ್ತುಂ ನಾಶಕತ್ಸ ತ್ವಮುಮುರುವಪುಷಾ ಭೀಷಯಾಮಾಸ ಚೇತಿ ।
ಪೂರ್ಣಜ್ಞಾನೌಜಸೋಸ್ತೇ ಗುರುತಮವಪುಷೋಃ ಶ್ರೀಮದಾನನ್ದತೀರ್ಥ ।
ಕ್ರೀಡಾಮಾತ್ರಂ ತದೇತತ್ ಪ್ರಮದದ ಸುಧಿಯಾಂ ಮೋಹಕ ದ್ವೇಷಭಾಜಾಮ್ ॥ 27॥

ಬಹ್ವೀಃ ಕೋಟೀರಟೀಕಃ ಕುಟಲಕಟುಮತೀನುತ್ಕಟಾಟೋಪ ಕೋಪಾನ್ ।
ದ್ರಾಕ್ಚತ್ವಂ ಸತ್ವರತ್ವಾಚ್ಚರಣದ ಗದಯಾ ಪೋಥಯಾಮಾಸಿಥಾರೀನ್ ।
ಉನ್ಮಥ್ಯಾ ತತ್ಥ್ಯ ಮಿಥ್ಯಾತ್ವ ವಚನ ವಚನಾನ್ ಉತ್ಪಥಸ್ಥಾಂಸ್ತಥಾಽಯಾನ್ ।
ಪ್ರಾಯಚ್ಛಃ ಸ್ವಪ್ರಿಯಾಯೈ ಪ್ರಿಯತಮ ಕುಸುಮಂ ಪ್ರಾಣ ತಸ್ಮೈ ನಮಸ್ತೇ ॥ 28॥

ದೇಹಾದುತ್ಕ್ರಾಮಿತಾನಾಮಧಿಪತಿ ರಸತಾಮಕ್ರಮಾದ್ವಕ್ರಬುದ್ಧಿಃ ।
ಕ್ರುದ್ಧಃ ಕ್ರೋಧೈಕವಶ್ಯಃ ಕ್ರಿಮಿರಿವ ಮಣಿಮಾನ್ ದುಷ್ಕೃತೀ ನಿಷ್ಕ್ರಿಯಾರ್ಥಮ್ ।
ಚಕ್ರೇ ಭೂಚಕ್ರಮೇತ್ಯ ಕ್ರಕಚಮಿವ ಸತಾಂ ಚೇತಸಃ ಕಷ್ಟಶಾಸ್ತ್ರಂ ।
ದುಸ್ತರ್ಕಂ ಚಕ್ರಪಾಣೇರ್ಗುಣಗಣ ವಿರಹಂ ಜೀವತಾಂ ಚಾಧಿಕೃತ್ಯ ॥ 29॥

ತದ್ದುತ್ಪ್ರೇಕ್ಷಾನುಸಾರಾತ್ಕತಿಪಯ ಕುನರೈರಾದೃತೋಽನ್ಯೈರ್ವಿಸೃಷ್ಟೋ ।
ಬ್ರಹ್ಮಾಹಂ ನಿರ್ಗುಣೋಽಹಂ ವಿತಥಮಿದಮಿತಿ ಹ್ಯೇಷಪಾಶಂಡವಾದಃ ।
ತದ್ಯುಕ್ತ್ಯಾಭಾಸ ಜಾಲ ಪ್ರಸರ ವಿಷತರೂದ್ದಾಹದಕ್ಷಪ್ರಮಾಣ ।
ಜ್ವಾಲಾಮಾಲಾಧರೋಽಗ್ನಿಃ ಪವನ ವಿಜಯತೇ ತೇಽವತಾರಸ್ತೃತೀಯಃ ॥ 30॥

ಆಕ್ರೋಶನ್ತೋನಿರಾಶಾ ಭಯಭರ ವಿವಶಸ್ವಾಶಯಾಚ್ಛಿನ್ನದರ್ಪಾ ।
ವಾಶನ್ತೋ ದೇಶನಾಶಸ್ವಿತಿ ಬತ ಕುಧಿಯಾಂ ನಾಶಮಾಶಾದಶಾಽಶು ।
ಧಾವನ್ತೋಽಶ್ಲೀಲಶೀಲಾ ವಿತಥ ಶಪಥ ಶಾಪಾ ಶಿವಾಃ ಶಾನ್ತ ಶೌರ್ಯಾಃ ।
ತ್ವದ್ವ್ಯಾಖ್ಯಾ ಸಿಂಹನಾದೇ ಸಪದಿ ದದೃಶಿರೇ ಮಾಯಿ ಗೋಮಾಯವಸ್ತೇ ॥ 31॥

ತ್ರಿಷ್ವಪ್ಯೇವಾವತಾರೇಷ್ವರಿಭಿರಪಘೃಣಂ ಹಿಂಸಿತೋನಿರ್ವಿಕಾರಃ ।
ಸರ್ವಜ್ಞಃ ಸರ್ವಶಕ್ತಿಃ ಸಕಲಗುಣಗಣಾಪೂರ್ಣ ರೂಪಪ್ರಗಲ್ಭಃ ।
ಸ್ವಚ್ಛಃ ಸ್ವಚ್ಛನ್ದ ಮೃತ್ಯುಃ ಸುಖಯಸಿ ಸುಜನಂ ದೇವಕಿಂ ಚಿತ್ರಮತ್ರ ।
ತ್ರಾತಾ ಯಸ್ಯ ತ್ರಿಧಾಮಾ ಜಗದುತವಶಗಂ ಕಿಂಕರಾಃ ಶಂಕರಾದ್ಯಾಃ ॥ 32॥

ಉದ್ಯನ್ಮನ್ದಸ್ಮಿತ ಶ್ರೀರ್ಮೃದು ಮಧುಮಧುರಾಲಾಪ ಪೀಯೂಷಧಾರಾ ।
ಪೂರಾಸೇಕೋಪಶಾನ್ತಾ ಸುಖಸುಜನ ಮನೋಲೋಚನಾ ಪೀಯಮಾನಂ ।
ಸನ್ದ್ರಕ್ಷ್ಯೇಸುನ್ದರಂ ಸನ್ದುಹದಿಹ ಮಹದಾನನ್ದಂ ಆನನ್ದತೀರ್ಥ ।
ಶ್ರೀಮದ್ವಕ್ತೇನ್ದ್ರು ಬಿಮ್ಬಂ ದುರತನುದುದಿತಂ ನಿತ್ಯದಾಹಂ ಕದಾನು ॥ 33॥

ಪ್ರಾಚೀನಾಚೀರ್ಣ ಪುಣ್ಯೋಚ್ಚಯ ಚತುರತರಾಚಾರತಶ್ಚಾರುಚಿತ್ತಾನ್ ।
ಅತ್ಯುಚ್ಚಾಂ ರೋಚಯನ್ತೀಂ ಶೃತಿಚಿತ ವಚನಾಂಶ್ರಾವ ಕಾಂಶ್ಚೋದ್ಯಚುಂಚೂನ್ ।
ವ್ಯಾಖ್ಯಾಮುತ್ಖಾತ ದುಃಖಾಂ ಚಿರಮುಚಿತ ಮಹಾಚಾರ್ಯ ಚಿನ್ತಾರತಾಂಸ್ತೇ ।
ಚಿತ್ರಾಂ ಸಚ್ಛಾಸ್ತ್ರಕರ್ತಾಶ್ಚರಣ ಪರಿಚರಾಂ ಛ್ರಾವಯಾಸ್ಮಾಂಶ್ಚಕಿಂಚಿತ್ ॥ 34॥

ಪೀಠೇರತ್ನೋಕಪಕ್ಲೃಪ್ತೇ ರುಚಿರರುಚಿಮಣಿ ಜ್ಯೋತಿಷಾ ಸನ್ನಿಷಣ್ಣಮ್ ।
ಬ್ರಹ್ಮಾಣಂ ಭಾವಿನಂ ತ್ವಾಂ ಜ್ವಲತಿ ನಿಜಪದೇ ವೈದಿಕಾದ್ಯಾ ಹಿ ವಿದ್ಯಾಃ ।
ಸೇವನ್ತೇ ಮೂರ್ತಿಮತ್ಯಃ ಸುಚರಿತಚರಿತಂ ಭಾತಿ ಗನ್ಧರ್ವ ಗೀತಂ ।
ಪ್ರತ್ಯೇಕಂ ದೇವಸಂಸತ್ಸ್ವಪಿ ತವ ಭಘವನ್ನರ್ತಿತದ್ದ್ಯೋವಧೂಷು ॥ 35॥

ಸಾನುಕ್ರೋಷೈರಜಸ್ರಂ ಜನಿಮೃತಿ ನಿರಯಾದ್ಯೂರ್ಮಿಮಾಲಾವಿಲೇಽಸ್ಮಿನ್ ।
ಸಂಸಾರಾಬ್ಧೌನಿಮಗ್ನಾಂಶರಣಮಶರಣಾನಿಚ್ಛತೋ ವೀಕ್ಷ್ಯಜನ್ತೂನ್ ।
ಯುಷ್ಮಾಭಿಃ ಪ್ರ್ರಾಥಿತಃ ಸನ್ ಜಲನಿಧಿಶಯನಃ ಸತ್ಯವತ್ಯಾಂ ಮಹರ್ಷೇಃ ।
ವ್ಯಕ್ತಶ್ಚಿನ್ಮಾತ್ರ ಮೂರ್ತಿನಖಲು ಭಗವತಃ ಪ್ರಾಕೃತೋ ಜಾತು ದೇಹಃ ॥ 36॥

ಅಸ್ತವ್ಯಸ್ತಂ ಸಮಸ್ತಶೃತಿ ಗತಮಧಮೈಃ ರತ್ನಪೂಗಂ ಯಥಾನ್ಧೈಃ ।
ಅರ್ಥಂ ಲೋಕೋಪಕೃತ್ಯೈಃ ಗುಣಗಣನಿಲಯಃ ಸೂತ್ರಯಾಮಾಸ ಕೃತ್ಸ್ನಮ್ ।
ಯೋಽಸೌ ವ್ಯಾಸಾಭಿಧಾನಸ್ತಮಹಮಹರಹಃ ಭಕ್ತಿತಸ್ತ್ವತ್ಪ್ರಸಾದಾತ್ ।
ಸದ್ಯೋ ವಿದ್ಯೋಪಲಬ್ಧ್ಯೈ ಗುರುತಮಮಗುರುಂ ದೇವದೇವಂ ನಮಾಮಿ ॥ 37॥

ಆಜ್ಞಾಮನ್ಯೈರಧಾರ್ಯಾಂ ಶಿರಸಿ ಪರಿಸರದ್ರಶ್ಮಿ ಕೋಟೀರಕೋಟೌ ।
ಕೃಷ್ಣಸ್ಯಾಕ್ಲಿಷ್ಟ ಕರ್ಮಾದಧದನು ಸರಾಣಾದರ್ಥಿತೋ ದೇವಸಂಘೈಃ ।
ಭೂಮಾವಾಗತ್ಯ ಭೂಮನ್ನಸುಕರಮಕರೋರ್ಬ್ರಹ್ಮಸೂತ್ರಸ್ಯ ಭಾಷ್ಯಮ್ ।
ದುರ್ಭಾಷ್ಯಂ ವ್ಯಾಸ್ಯದಸ್ಯೋರ್ಮಣಿಮತ ಉದಿತಂ ವೇದಸದ್ಯುಕ್ತಿಭಿಸ್ತ್ವಮ್ ॥ 38॥

ಭೂತ್ವಾಕ್ಷೇತ್ರೇ ವಿಶುದ್ಧೇ ದ್ವಿಜಗಣನಿಲಯೇ ರೌಪ್ಯಪೀಠಾಭಿಧಾನೇ ।
ತತ್ರಾಪಿ ಬ್ರಹ್ಮಜಾತಿಸ್ತ್ರಿಭುವನ  ವಿಶದೇ ಮಧ್ಯಗೇಹಾಖ್ಯ ಗೇಹೇ ।
ಪಾರಿವ್ರಾಜ್ಯಾಧಿ ರಾಜಃ ಪುನರಪಿ ಬದರೀಂ ಪ್ರಾಪ್ಯ ಕೃಷ್ಣಂ ಚ ನತ್ವಾ ।
ಕೃತ್ವಾ ಭಾಷ್ಯಾಣಿ ಸಮ್ಯಕ್ ವ್ಯತನುತ ಚ ಭವಾನ್ ಭರತಾರ್ಥಪ್ರಕಾಶಮ್ ॥ 39॥

ವನ್ದೇ ತಂ ತ್ವಾಂ ಸುಪೂರ್ಣ ಪ್ರಮತಿಮನುದಿನಾ ಸೇವಿತಂ ದೇವವೃನ್ದೈಃ ।
ವನ್ದೇ ವನ್ದಾರುಮೀಶೇ ಶ್ರಿಯ ಉತ ನಿಯತಂ ಶ್ರೀಮದಾನನ್ದತೀರ್ಥಮ್ ।
ವನ್ದೇ ಮನ್ದಾಕಿನೀ ಸತ್ಸರಿದಮಲ ಜಲಾಸೇಕ ಸಾಧಿಕ್ಯ ಸಂಗಮ್ ।
ವನ್ದೇಽಹಂ ದೇವ ಭಕ್ತ್ಯಾ ಭವ ಭಯ ದಹನಂ ಸಜ್ಜನಾನ್ಮೋದಯನ್ತಮ್ ॥ 40॥

ಸುಬ್ರಹ್ಮಣ್ಯಾಖ್ಯ ಸೂರೇಃ ಸುತ ಇತಿ ಸುಭೃಶಂ ಕೇಶವಾನನ್ದತೀರ್ಥ ।
ಶ್ರೀಮತ್ಪಾದಾಬ್ಜ ಭಕ್ತಃ ಸ್ತುತಿಮಕೃತ ಹರೇರ್ವಾಯುದೇವಸ್ಯ ಚಾಸ್ಯ ।
ತ್ವತ್ಪಾದಾರ್ಚಾದರೇಣ ಗ್ರಥಿತ ಪದಲ ಸನ್ಮಾಲಯಾ ತ್ವೇತಯಾಯೇ ।
ಸಂರಾಧ್ಯಾಮೂನಮನ್ತಿ ಪ್ರತತಮತಿಗುಣಾ ಮುಕ್ತಿಮೇತೇ ವ್ರಜನ್ತಿ ॥ 41॥

          ಇತಿ ಶ್ರೀತ್ರಿವಿಕ್ರಮಪಂಡಿತಾಚಾರ್ಯ ವಿರಚಿತಂ
          ಶ್ರೀಹರಿವಾಯುಸ್ತುತಿಃ ಸಮ್ಪೂರ್ಣಮ್ ।
 ॥ ಅಥ ಶ್ರೀ ನಖಸ್ತುತಿಃ ॥

ಪಾನ್ತ್ವಸ್ಮಾನ್ ಪುರುಹೂತವೈರಿ ಬಲವನ್ಮಾತಂಗ ಮಾದ್ಯದ್ಘಟಾ ।
ಕುಮ್ಭೋಚ್ಚಾದ್ರಿ ವಿಪಾಟನಾಧಿಕಪಟು ಪ್ರತ್ಯೇಕ ವಜ್ರಾಯಿತಾಃ ।
ಶ್ರೀಮತ್ಕಂಠೀರವಾಸ್ಯ ಪ್ರತತ ಸುನಖರಾ ದಾರಿತಾರಾತಿದೂರ ।
ಪ್ರದ್ಧ್ವಸ್ತಧ್ವಾನ್ತ ಶಾನ್ತ ಪ್ರವಿತತ ಮನಸಾ ಭಾವಿತಾನಾಕಿವೃನ್ದೈಃ ॥ 1॥

ಲಕ್ಷ್ಮೀಕಾನ್ತ ಸಮನ್ತತೋಽಪಿಕಲಯನ್ ನೈವೇಶಿತುಸ್ತೇ ಸಮಮ್ ।
ಪಶ್ಯಾಮ್ಯುತ್ತಮ ವಸ್ತು ದೂರತರತೋಪಾಸ್ತಂ ರಸೋಯೋಽಷ್ಟಮಃ ।
ಯದ್ರೋಶೋತ್ಕರ ದಕ್ಷ ನೇತ್ರ ಕುಟಿಲಃ ಪ್ರಾನ್ತೋತ್ಥಿತಾಗ್ನಿ ಸ್ಫುರತ್ ।
ಖದ್ಯೋತೋಪಮ ವಿಸ್ಫುಲಿಂಗಭಸಿತಾ ಬ್ರಹ್ಮೇಶಶಕ್ರೋತ್ಕರಾಃ ॥ 2॥

          ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯವಿರಚಿತಂ
          ಶ್ರೀನೃಸಿಂಹನಖಸ್ತುತಿಃ ಸಮ್ಪುರ್ಣಮ್ ।
 ॥ ಭಾರತೀರಮಣಮುಖ್ಯಪ್ರಾಣಾನ್ತರ್ಗತ ಶ್ರೀಕೃಷ್ಣಾರ್ಪಣಮಸ್ತು ॥

ವಾಯುರ್ಭೀಮೋ ಭೀಮನಾದೋ ಮಹೂಜಾಃ ಸರ್ವೇಶಾಂ ಚ ಪ್ರಾಣಿನಾಂ ಪ್ರಾಣಭೂತಃ ।
ಅನಾವೃತ್ತಿರ್ದೇಹಿನಾಂ ದೇಹಪಾತೇ ತಸ್ಮಾದ್ವಾಯುರ್ದೇವದೇವೋ ವಿಶಿಷ್ಟಃ ॥  ॥

ಜ್ಞಾನೇ ವಿರಾಗೇ ಹರಿಭಕ್ತಿಭಾವೇ ಧೃತಿಸ್ಥಿತಿಪ್ರಾಣಬಲೇಷಿ ಯೋಗೇ ।
ಬುದ್ಧೌ ಚ ನಾನ್ಯೋ ಹನುಮತ್ಸಮಾನಃ ಪುಮಾನ್ ಕದಾಚಿತ್ ಕ್ವಚಕಶ್ಚ ನೈವ ॥  ॥

ವಾತೇನ ಕುನ್ತ್ಯಾಂ ಬಲವಾನ್ ಸ ಜಾತಃ ಶೂರಸ್ತಪಸ್ವೀ ದ್ವಿಷತಾಂ ನಿಹನ್ತಾ ।
ಸತ್ಯೇ ಚ ಧರ್ಮೇ ಚ ರತಃ ಸದೈವ ಪರಾಕ್ರಮೇ ಶತ್ರುಭಿರಪ್ರಧೃಷ್ಯಃ ॥  ॥

ಯೋ ವಿಪ್ರಲಮ್ಭವಿಪರೀತಮತಿಪ್ರಭೂತಾನ್ ವಾದಾನ್ನಿರಸ್ತ ಕೃತವಾನ್ಭುವಿ ತತ್ತ್ವವಾದಮ್ ।
ಸರ್ವೇಶ್ವರೋ ಹರಿರಿತಿ ಪ್ರತಿಪಾದಯನ್ತಮಾನನ್ದತೀರ್ಥ ಮುನಿವರ್ಯಮಹಂ ನಮಾಮಿ ॥  ॥

ಯಸ್ಯ ತ್ರೀಣ್ಯುದಿತಾನಿ ವೇದವಚನೇ ರೂಪಾಣಿ ದಿವ್ಯಾನ್ಯಲಮ್ ।
ಬಟ್ ತದ್ದರ್ಶನಮಿತ್ಥಮೇವ ನಿಹಿತಂ ದೇವಸ್ಯ ಭರ್ಗೋ ಮಹತ್ ।
ವಾಯೋ ರಾಮವಚೋನಯಂ ಪ್ರಥಮಕಂ ಪೃಕ್ಷೋ ದ್ವಿತೀಯಂ ವಪುಃ ।
ಮಧ್ವೋ ಯತ್ತು ತೃತೀಯಮೇತದಮುನಾ ಗ್ರನ್ಥಃ ಕೃತಃ ಕೇಶವೇ ॥  ॥

ಮಹಾವ್ಯಾಕರಣಾಮ್ಭೋಧಿ ಮನ್ಥಮಾನಸಮನ್ದರಮ್ ।
ಕವಯನ್ತಂ ರಾಮಕೀರ್ತ್ಯಾ ಹನೂಮನ್ತಮುಪಾಸ್ಮಹೇ ॥  ॥

ಬ್ರಹ್ಮಾನ್ತಾ ಗುರವಃ ಸಾಕ್ಷಾದಿಷ್ಟಂ ದೈವಂ ಶ್ರಿಯಃ ಪತಿಃ ।
ಆಚಾರ್ಯಾಃ ಶ್ರೀಮದಾಚಾರ್ಯಾಃ ಸನ್ತು ಮೇ ಜನ್ಮ ಜನ್ಮನಿ ॥  ॥

ಪ್ರಥಮೋ ಹನುಮಾನ್ನಾಮಾ ದ್ವಿತೀಯೋ ಭೀಮ ಏವ ಚ ।
ಪೂರ್ಣಪ್ರಜ್ಞ ತೃತೀಯಸ್ತು ಭಗವತ್ಕಾರ್ಯಸಾಧಕಃ ॥  ॥

ಮುಖ್ಯಪ್ರಾಣಾಯ ಭೀಮಾಯ ನಮೋ ಯಸ್ಯ ಭುಜಾನ್ತರಮ್ ।
ನಾನಾ ವೀರಸುವರ್ಣಾನಾಂ ನಿಕಷಾಶ್ಮಾಯಿತಂ ಬಭೌ ॥  ॥

ಸ್ವಾನ್ತಸ್ಥಾನನ್ತಶೈಯಾಯ ಪೂರ್ಣಜ್ಞಾನರಸಾರ್ಣಸೇ ।
ಉತ್ತುಂಗವಾಕ್ತರಂಗಾಯ ಮಧ್ವದುಗ್ಧಾಬ್ಧಯೇ ನಮಃ ॥  ॥

ಯೇನಾಹಂ ಇಹ ದುರ್ಮಾರ್ಗಾತ್ ಉದ್ಧೃತ್ಯಾದಿ ನಿವೇಶಿತಃ ।
ಸಮ್ಯಕ್ ಶ್ರೀವೈಷ್ಣವೇ ಮಾರ್ಗೇ ಪೂರ್ಣಪ್ರಜ್ಞಂ ನಮಾಮಿ ತಮ್ ॥  ॥

ಹನೂಮಾನಂಜನೀ ಸೂನುಃ ವಾಯುಪುತ್ರೋ ಮಹಾಬಲಃ ।
ರಾಮೇಷ್ಟಃ ಫಲ್ಗುಣಸಖಃ ಪಿಂಗಾಕ್ಷೋಽಮಿತವಿಕ್ರಮಃ ॥  ॥

ಉದಧಿಕ್ರಮಣಶ್ಚೈವ ಸೀತಾಸನ್ದೇಶಹಾರಕಃ ।
ಲಕ್ಷ್ಮಣಪ್ರಾಣದಾತಾ ಚ ದಶಗ್ರೀವಸ್ಯ ದರ್ಪಹಾ ॥  ॥

ಮಾರುತಿಃ ಪಾಂಡವೋ ಭೀಮೋ ಗದಾಪಾಣಿರ್ವೃಕೋದರಃ ।
ಕೌನ್ತೇಯಃ ಕೃಷ್ಣದೂತಶ್ಚ ಭೀಮಸೇನೋ ಮಹಾಬಲಃ ॥  ॥

ಜರಾಸನ್ಧಾನ್ತಕೋ ವೀರೋ ದುಃಶಾಸನ ವಿನಾಶನಃ ।
ಪೂರ್ಣಪ್ರಜ್ಞೋ ಜ್ಞಾನದಾತಾ ಮಧ್ವೋ ಧ್ವಸ್ತ ದುರಾಗಮಃ ॥  ॥

ತತ್ತ್ವಜ್ಞೋ ವೈಷ್ಣವಾಚಾರ್ಯೋ ವ್ಯಾಸಶಿಷ್ಯೋ ಯತೀಶ್ವರಃ ॥ ॥

ಶುಭತೀರ್ಥಾಭಿಧಾನಶ್ಚ ಜಿತಾಮಿತ್ರೋ ಜಿತೇನ್ದ್ರಿಯಃ ।
ಶ್ರೀಮದಾನನ್ದ ಸನ್ನಾಮ್ನಾಮೇವ ದ್ವಾದಶಕಂ ಜಪೇತ್ ।
ಲಭತೇ ವೈಷ್ಣವೀಂ ಭಕ್ತಿಂ ಗುರುಭಕ್ತಿ ಸಮನ್ವಿತಮ್ ॥  ॥

ಮನೋಜವಂ ಮಾರುತತುಲ್ಯವೇಗಂ ಜಿತೇನ್ದ್ರಿಯಂ ಬುದ್ಧಿಮತಾಂ ವರಿಷ್ಠಮ್ ।
ವಾತಾತ್ಮಜಂ ವಾನರಯೂಥಮುಖ್ಯಂ ಶ್ರೀರಾಮದೂತಂ ಶಿರಸಾ ನಮಾಮಿ ॥  ॥

ಬುದ್ಧಿರ್ಬಲಂ ಯಶೋ ಧೈರ್ಯಂ ನಿರ್ಭಯತ್ತ್ವಂ ಅರೋಗತಾ ।
ಅಜಾಡ್ಯಂ ವಾಕ್ಪಟುತ್ತ್ವಂ ಚ ಹನೂಮತ್ಸ್ಮರಣದ್ಭವೇತ್ ॥  ॥

ನ ಮಾಧವಸಮೋ ದೇವೋ ನ ಚ ಮಧ್ವ ಸಮೋ ಗುರುಃ ।
ನ ತದ್ವಾಕ್ಯಸಮಂ ಶಾಸ್ತ್ರಂ ನ ಚ ತಸ್ಯ ಸಮಃ ಪುಮಾನ್ ॥  ॥

ಭೀಮಸೇನ ಸಮೋ ನಾಸ್ತಿ ಸೇನಯೋರುಭಯೋರಪಿ ।
ಪಾಂಡಿತ್ಯೇಚ ಪಟುತ್ವೇ ಚ ಶೂರತ್ವೇ ಚ ಬಲೇಪಿ ಚ ॥  ॥

ಆಚಾರ್ಯಃ ಪವನೋಽಸ್ಮಾಕಂ ಆಚಾರ್ಯಾಣೀ ಚ ಭಾರತೀ ।
ದೇವೋ ನಾರಾಯಣಃ ಶ್ರೀಶಃ ದೇವೀ ಮಂಗಳ ದೇವತಾ ॥  ॥

ಇತಿ ।