ಶ್ರೀಹನುಮತ್ತಾಂಡವಸ್ತೋತ್ರಮ್ shri hanumat tandava stotra

॥ ಶ್ರೀಹನುಮತ್ತಾಂಡವಸ್ತೋತ್ರಮ್ ॥

ವನ್ದೇ ಸಿನ್ದೂರವರ್ಣಾಭಂ ಲೋಹಿತಾಮ್ಬರಭೂಷಿತಮ್ ।
ರಕ್ತಾಂಗರಾಗಶೋಭಾಢ್ಯಂ ಶೋಣಾಪುಚ್ಛಂ ಕಪೀಶ್ವರಮ್॥

ಭಜೇ ಸಮೀರನನ್ದನಂ, ಸುಭಕ್ತಚಿತ್ತರಂಜನಂ, ದಿನೇಶರೂಪಭಕ್ಷಕಂ, ಸಮಸ್ತಭಕ್ತರಕ್ಷಕಮ್ ।
ಸುಕಂಠಕಾರ್ಯಸಾಧಕಂ, ವಿಪಕ್ಷಪಕ್ಷಬಾಧಕಂ, ಸಮುದ್ರಪಾರಗಾಮಿನಂ, ನಮಾಮಿ ಸಿದ್ಧಕಾಮಿನಮ್ ॥ 1॥

ಸುಶಂಕಿತಂ ಸುಕಂಠಭುಕ್ತವಾನ್ ಹಿ ಯೋ ಹಿತಂ ವಚಸ್ತ್ವಮಾಶು ಧೈರ್ಯ್ಯಮಾಶ್ರಯಾತ್ರ ವೋ ಭಯಂ ಕದಾಪಿ ನ ।
ಇತಿ ಪ್ಲವಂಗನಾಥಭಾಷಿತಂ ನಿಶಮ್ಯ ವಾನರಾಽಧಿನಾಥ ಆಪ ಶಂ ತದಾ, ಸ ರಾಮದೂತ ಆಶ್ರಯಃ ॥ 2॥

ಸುದೀರ್ಘಬಾಹುಲೋಚನೇನ, ಪುಚ್ಛಗುಚ್ಛಶೋಭಿನಾ, ಭುಜದ್ವಯೇನ ಸೋದರೀಂ ನಿಜಾಂಸಯುಗ್ಮಮಾಸ್ಥಿತೌ ।
ಕೃತೌ ಹಿ ಕೋಸಲಾಧಿಪೌ, ಕಪೀಶರಾಜಸನ್ನಿಧೌ, ವಿದಹಜೇಶಲಕ್ಷ್ಮಣೌ, ಸ ಮೇ ಶಿವಂ ಕರೋತ್ವರಮ್ ॥ 3॥

ಸುಶಬ್ದಶಾಸ್ತ್ರಪಾರಗಂ, ವಿಲೋಕ್ಯ ರಾಮಚನ್ದ್ರಮಾಃ, ಕಪೀಶ ನಾಥಸೇವಕಂ, ಸಮಸ್ತನೀತಿಮಾರ್ಗಗಮ್ ।
ಪ್ರಶಸ್ಯ ಲಕ್ಷ್ಮಣಂ ಪ್ರತಿ, ಪ್ರಲಮ್ಬಬಾಹುಭೂಷಿತಃ ಕಪೀನ್ದ್ರಸಖ್ಯಮಾಕರೋತ್, ಸ್ವಕಾರ್ಯಸಾಧಕಃ ಪ್ರಭುಃ ॥ 4॥

ಪ್ರಚಂಡವೇಗಧಾರಿಣಂ, ನಗೇನ್ದ್ರಗರ್ವಹಾರಿಣಂ, ಫಣೀಶಮಾತೃಗರ್ವಹೃದ್ದೃಶಾಸ್ಯವಾಸನಾಶಕೃತ್ ।
ವಿಭೀಷಣೇನ ಸಖ್ಯಕೃದ್ವಿದೇಹ ಜಾತಿತಾಪಹೃತ್, ಸುಕಂಠಕಾರ್ಯಸಾಧಕಂ, ನಮಾಮಿ ಯಾತುಧತಕಮ್ ॥ 5॥

ನಮಾಮಿ ಪುಷ್ಪಮೌಲಿನಂ, ಸುವರ್ಣವರ್ಣಧಾರಿಣಂ ಗದಾಯುಧೇನ ಭೂಷಿತಂ, ಕಿರೀಟಕುಂಡಲಾನ್ವಿತಮ್ ।
ಸುಪುಚ್ಛಗುಚ್ಛತುಚ್ಛಲಂಕದಾಹಕಂ ಸುನಾಯಕಂ ವಿಪಕ್ಷಪಕ್ಷರಾಕ್ಷಸೇನ್ದ್ರ-ಸರ್ವವಂಶನಾಶಕಮ್ ॥ 6॥

ರಘೂತ್ತಮಸ್ಯ ಸೇವಕಂ ನಮಾಮಿ ಲಕ್ಷ್ಮಣಪ್ರಿಯಂ ದಿನೇಶವಂಶಭೂಷಣಸ್ಯ ಮುದ್ರೀಕಾಪ್ರದರ್ಶಕಮ್ ।
ವಿದೇಹಜಾತಿಶೋಕತಾಪಹಾರಿಣಮ್ ಪ್ರಹಾರಿಣಮ್ ಸುಸೂಕ್ಷ್ಮರೂಪಧಾರಿಣಂ ನಮಾಮಿ ದೀರ್ಘರೂಪಿಣಮ್ ॥ 7॥

ನಭಸ್ವದಾತ್ಮಜೇನ ಭಾಸ್ವತಾ ತ್ವಯಾ ಕೃತಾ ಮಹಾಸಹಾ ಯತಾ ಯಯಾ ದ್ವಯೋರ್ಹಿತಂ ಹ್ಯಭೂತ್ಸ್ವಕೃತ್ಯತಃ ।
ಸುಕಂಠ ಆಪ ತಾರಕಾಂ ರಘೂತ್ತಮೋ ವಿದೇಹಜಾಂ ನಿಪಾತ್ಯ ವಾಲಿನಂ ಪ್ರಭುಸ್ತತೋ ದಶಾನನಂ ಖಲಮ್ ॥ 8॥

ಇಮಂ ಸ್ತವಂ ಕುಜೇಽಹ್ನಿ ಯಃ ಪಠೇತ್ಸುಚೇತಸಾ ನರಃ
      ಕಪೀಶನಾಥಸೇವಕೋ ಭುನಕ್ತಿಸರ್ವಸಮ್ಪದಃ ।
ಪ್ಲವಂಗರಾಜಸತ್ಕೃಪಾಕತಾಕ್ಷಭಾಜನಸ್ಸದಾ
      ನ ಶತ್ರುತೋ ಭಯಂ ಭವೇತ್ಕದಾಪಿ ತಸ್ಯ ನುಸ್ತ್ವಿಹ ॥ 9॥

ನೇತ್ರಾಂಗನನ್ದಧರಣೀವತ್ಸರೇಽನಂಗವಾಸರೇ ।
ಲೋಕೇಶ್ವರಾಖ್ಯಭಟ್ಟೇನ ಹನುಮತ್ತಾಂಡವಂ ಕೃತಮ್ ॥ 10॥

ಇತಿ ಶ್ರೀ ಹನುಮತ್ತಾಂಡವ ಸ್ತೋತ್ರಮ್॥