ಕಲ್ಯಾಣಂ ತುಳಸೀ ಕಲ್ಯಾಣಂ

ಕಲ್ಯಾಣಂ ತುಳಸೀ ಕಲ್ಯಾಣಂ ಪ

ಕಲ್ಯಾಣವು ನಮ್ಮ ಕೃಷ್ಣ ಶ್ರೀ ತುಳಸಿಗೆ |

ಬಲ್ಲಿದ ಶ್ರೀವಾಸುದೇವನಿಗೆ ಅ.ಪ

ಅಂಗಳದೊಳಗೆಲ್ಲ ತುಳಸೀವನವ ಮಾಡಿ |

ಶೃಂಗಾರವ ಮಾಡೆ ಶೀಘ್ರದಿಂದ ||

ಕಂಗಳ ಪಾಪವ ಪರಿಹರಿಸುವ ಮುದ್ದು |

ರಂಗಬಂದಲ್ಲಿ ನೆಲಸಿಹನು 1

ಮಿಂದು ಮಡಿಯನುಟ್ಟು ಸಂದೇಹವ ಬಿಟ್ಟು |

ತಂದ ಶ್ರೀಗಂಧಾಕ್ಷತೆಗಳಿಂದ ||

ಸಿಂಧುಶಯನನ ವೃಂದಾವನದಲಿ ಪೂಜಿಸೆ |

ಕುಂದದ ಭಾಗ್ಯ ಕೊಡುತಿಹಳು 2

ಉತ್ಥಾನ ದ್ವಾದಶಿ ದಿವಸದಲ್ಲಿ ಕೃಷ್ಣ-|

ಉತ್ತಮ ತುಲಸಿಗೆ ವಿವಾಹವ ||

ಚಿತ್ತ ನಿರ್ಮಲರಾಗಿ ಮಾಡಿದವರಿಗೆ |

ಉತ್ತಮ ಗತಿ¬ೂವ ಪುರಂದರವಿಠಲ 3