ಕಾಳಬೆಳದಿಂಗಳು - ಈ ಸಂಸಾರ -

ಕಾಳಬೆಳದಿಂಗಳು - ಈ ಸಂಸಾರ -

ಕತ್ತಲೆ ಬೆಳುದಿಂಗಳು ಪ.

ಸತ್ಯಕೆ ಧರ್ಮಜ ಲೆತ್ತ ಪಗಡೆಯಾಡಿ |

ವ್ಯರ್ಥ ಭಂಢಾರವೆಲ್ಲವನು ಸೋತು ||

ಬತ್ತಲೆ ಪೋಗಿ ವಿರಾಟನ ಮನೆಯೊಳು |

ತೊತ್ತಾದಳು ದ್ರೌಪದಿ ಒಂದು ವರುಷ 1

ಉಂಬಾಗ ಉಡುವಾಗ ಕೊಂಬಾಗ ಕೊಡುವಾಗ |

ಬೆಂಬತ್ತಿ ತಿರುಗುತಲಿಪ್ಪರು ||

ಎಂಬಾತಗೆ ನೋಡಿ ಬಡತನ ಬಂದರೆ |

ಇಂಬಿಲ್ಲ ಅತ್ತತ್ತ ಹೋಗೆಂಬರಯ್ಯ 2

ಉಂಟಾದ ಕಾಲಕ್ಕೆ ನೆಂಟರಿಷ್ಟರು ಬಂದು |

ಬಂಟರಂತೆ ಬಾಗಿಲ ಕಾಯ್ವರು |

ಉಂಟುತನವು ಪೋಗೆ ಅಂತ್ಯಕಾಲಕೆ ಕಂಡು |

ಹೆಂಟೆಯಾಗಿ ತಿರುಗುತಿಪ್ಪರಯ್ಯ 3

ಪುಂಡರೀಕಾಕ್ಷ ಶ್ರೀ ಪುರುಷೋತ್ತಮ ರಥ - |

ಕೊಂಡು ಸಾರಥಿಯಾದ ಫಲ್ಗುಣನ ||

ಮಂಡಲವಾಳವ ಹರಿಶ್ಚಂದ್ರರಾಯನು ||

ಕೊಂಡು ಕಾಯ್ದ ಚಂಡಾಲನ ಮನೆಯ 4

ನೊಂದಿತು ಕಾಯವು ಬೆಂದಿತು ಒಡಲು |

ಬೆಂದ ಒಡಲಿಗಾಗಿ ಹಾಸ್ಯಮಾಡಿ ||

ಪುಂಡರೀಕಾಕ್ಷ ಶ್ರೀ ಪುರಂದರವಿಠಲನ |

ತೊಂಡನಾಗಿ ನೀ ಸುಖವಾಗಿ ಬಾಳು * 5