ಗೋವಿಂದ ಎನ್ನಿರೊ ಹರಿ ಗೋವಿಂದ ಎನ್ನಿರೊ govinda enniro hari govinda enniro

ಗೋವಿಂದ ಎನ್ನಿರೊ - ಹರಿ ಗೋವಿಂದ ಎನ್ನಿರೊ  ಗೋವಿಂದನ ನಾಮವ ಮರೆಯೆದಿರಿರೊ   \\ಪ. \\

ತುಂಬಿರುವ ಪಟ್ಟಣಕೆ ಒಂಬತ್ತು ಬಾಗಿಲು  ಸಂಭ್ರಮದರಸುಗಳೈದು ಮಂದಿ ||

ಡಂಭಕತನದಿಂದ ಕಾಯುವ ಜೀವವ  ನಂಬಿ ನಚ್ಚಿ ಕೆಡಬೇಡಿ ಕಾಣಿರೊ   \\1 \\

ನೆಲೆಯು ಇಲ್ಲದ ಕಾಯ ಎಲವಿನ ಹಂದರವು  ಬಲಿದು ಸುತ್ತಿದ ಚರ್ಮದ ಹೊದಿಕೆ ||

ಮಲಮೂತ್ರಂಗಳು ಕೀವುಗಳು ಕ್ರಿಮಿಗಳು ಚೆಲುವ ತೊಗಲನು ಮೆಚ್ಚಿ ಕೆಡಬೇಡಿರಯ್ಯ  \\2 \\

ಹರ ಬ್ರಹ್ಮ ಸುರರಿಂದೆ ವಂದಿತನಾಗಿಪ್ಪ  ಹರಿಯೇ ಸರ್ವೋತ್ತಮನೆಂದೆನ್ನಿರೊ ||

ಪುರಂದವಿಠಲನ ಸ್ಮರಣೆಯ ಮಾಡಲು  ದುರಿತ ಭಯಂಗಳ ಪರಿಹರಿಸುವುದು \\3 \\