ದೇವ ಬಂದ ನಮ್ಮ ಸ್ವಾಮಿ ಬಂದನೋ deva banda namma swami

ದೇವ ಬಂದ ನಮ್ಮ ಸ್ವಾಮಿ ಬಂದನೋ

ದೇವರ ದೇವ ಶಿಖಾಮಣಿ ಬಂದನೋ ಪ

ಉರಗಶಯನ ಬಂದ ಗರುಡ ಗಮನ ಬಂದ

ನರಗೊಲಿದವ ಬಂದ ನಾರಾಯಣ ಬಂದ1

ಮಂದರೋದ್ಧಾರ ಬಂದ ಮಾಮನೋಹರ ಬಂದ

ವೃಂದಾವನ ಪತಿ ಗೋವಿಂದ ಬಂದ 2

ನಕ್ರಹರನು ಬಂದ ಚಕ್ರಧರನು ಬಂದ

ಅಕ್ರೂರಗೊಲಿದ ತ್ರಿವಿಕ್ರಮ ಬಂದ3

ಪಕ್ಷಿವಾಹನ ಬಂದ ಲಕ್ಷ್ಮಣಾಗ್ರಜ ಬಂದ

ಅಕ್ಷಯ ಫಲದ ಶ್ರೀ ಲಕ್ಷ್ಮೀ ರಮಣ ಬಂದ 4

ನಿಗಮಗೋಚರ ಬಂದ ನಿತ್ಯ ತೃಪ್ತನು ಬಂದನಗೆ ಮುಖ ಪುರಂದರ ವಿಠಲ ಬಂದನೋ 5