ನೀ ಮಾಯೆಯೊಳಗೊ nee maayeyolago

ನೀ ಮಾಯೆಯೊಳಗೊ, ನಿನ್ನೊಳು ಮಾಯೆಯೋ

ನೀ ದೇಹದೊಳಗೋ, ನಿನ್ನೊಳು ದೇಹವೋ ||

ಬಯಲು ಆಲಯದೊಳಗೊ, ಆಲಯವು ಬಯಾಲೊಳಗೊ

ಬಯಲು ಆಲಯವೆರಡು ನಯನದೊಳಗೋ

ನಯನ ಬುದ್ಧಿಯೊಳಗೋ, ಬುದ್ಧಿ ನಯನದೊಳಗೋ

ನಯನ ಬುದ್ಧಿಗಳೆರಡು ನಿನ್ನೊಳಗೋ ಹರಿಯೇ||1||

ಸವಿಯು ಸಕ್ಕರೆಯೊಳಗೋ, ಸಕ್ಕರೆಯು ಸವಿಯೊಳಗೋ

ಸವಿಯು ಸಕ್ಕರೆಯರಡು ಜಿಹ್ವೆಯೊಳಗೋ

ಜಿಹ್ವೆ ಮನಸಿನೊಳಗೋ, ಮನಸು ಜಿಹ್ವೆಯೊಳಗೋ

ಜಿಹ್ವೆ ಮನಸುಗಳೆರಡು ನಿನ್ನೊಳಗೋ ಹರಿಯೇ||2||

ಕುಸುಮದೊಳು ಗಂಧವೋ, ಗಂಧದೊಳು ಕುಸುಮವೋ

ಕುಸುಮ ಗಂಧಗಳೆರಡು ಆಘ್ರಾಣದೊಳಗೋ

ಅಸಮಭಾವ ಕಾಗಿನೆಲೆಯಾದಿ ಕೇಶವರಾಯ

ಉಸುರಲೆನ್ನಳವಲ್ಲ ಎಲ್ಲ ನಿನ್ನೊಳಗೋ ಹರಿಯೇ||3|