ಆಳುಗಳ ಪರಿಯ aalugala pariya

ಆಳುಗಳ ಪರಿಯ ಆಳಿದನೆ ಬಲ್ಲ |

ಆಳಿದನ ಪರಿಯ ಆಳುಗಳೆ ಬಲ್ಲರು |

ಆಳುಗಳ ಪರಿಯ ಆಳಿದನೆ ಪರಿಯ |

ಆರೇನನೆಂದರೂ ಆರೇನ ಮಾಡುವರಯ್ಯ |

ಆರ ಕೊಂಡೆಮಗೆ ಏನ ಮಾಡುವುದಯ್ಯ |

ಆರುಮುನಿದೆಮ್ಮನು ಏನು ಮಾಡುವರಯ್ಯ |

ಸಿರಿ ಪುರಂದರ ವಿಠಲಗೆ ನಮಗೆ |

ಇಂದೆ ಬಂದಿತೆ ಸ್ವಾಮಿ-ಭೃತ್ಯ ಸಂಬಂಧ? 1

ಮಟ್ಟತಾಳ

ಮಧುರೆಯೊಳಗೆ ನಿನ್ನ ತುಂಟಾಟಿಕೆಗಳ ನೋಡ |

ಉದ್ಧವನೆತ್ತ, ಕುಬುಜೆಯ ಮನೆಯೆತ್ತ |

ನೀ ಮಾಡಿದ ಮರ್ಯಾದೆ ಪುರಂದರ ವಿಠಲ |

ಉದ್ಭವನೆತ್ತ || 2

ಧ್ರುವತಾಳ

ಉಳ್ಳವರುಂಡಾರು ಮರೆಯ ಮರೆಯ |

ಬಲ್ಲಿರ್ದನಾಳುಗಳು ತಲೆಯಲಿ ನುಡಿದರೇನೆಂಬೆ |

ಬಲ್ಲಿರ್ದನಾಳುಗಳು ದಟ್ಟಿಯಲಿ ನಡೆದರೇನೆಂಬೆ |

ಬಲ್ಲಿರ್ದ ಪುರಂದರ ವಿಠಲನಾಳುಗಳು 3

ಅಟ್ಟತಾಳ

ಬೆಟ್ಟತಂದಾ ದೈವವು ಹೊಂದಿದ್ದ |

ಕಟ್ಟಾ ಸಮುದ್ರದ ನಂಟನಾಗಿ ಉಪ್ಪಿನ ಬರ ಕಂಡ |

ಅರಸಿನ ಮಗ ತಿರುತಿನುತಿಹದ ಕಂಡ |

ನಿನ್ನ ತೊಂಡನು ನಿನ್ನ ತೊಂಡನು ನಿನ್ನ ತೊಂಡನಾಳುವ |

ನೀನಾಳುವೆ ನಿನ್ನ ತೊಂಡ ನಾನು ಬರಿಯ ಮಾತಲ್ಲ |

ವಿಠಲ ನಿನ್ನಾಣೆ ನಿನ್ನ ತೊಂಡ ನಾನು ಪುರಂದರ ವಿಠಲ 4

ಜತೆ

ನಿತ್ಯಾನಿತ್ಯ ಸುವಸ್ತುಗಳೊಳಗೆ |

ನಿತ್ಯ ಸುನಿತ್ಯ ಪುರಂದರ ವಿಠಲ ||