ನಿನ್ನಾಧೀನ ಶರೀರ ninnadhina sharira

ನಿನ್ನಾಧೀನ ಶರೀರ ಕರಣ ಚೇಷ್ಟೆಗಳೆಲ್ಲನಿನ್ನಾಧೀನ ಬಂದ ಮೋಕ್ಷ ನಿರಯಗಳುನಿನ್ನಾಧೀನ ಯೋಗ್ಯತೆ ಸಾಧನ ಸಾಧ್ಯಗಳೆಲ್ಲನಿನ್ನಾಧೀನ ಸುಕೃತ ದುಷ್ಕøತ ಫಲವು

ನಿನ್ನಾಧೀನ ಚರಾಚರವೆಂದು ಶೃತಿ ಸಾರುತಲಿವೆಇಂತು ಪುಣ್ಯ ಪಾಪವೆಲ್ಲ ನಿನ್ನ ಲೇಪಿಸವೊ ದೇವಎಂತು ಜೀವರನು ಪುಣ್ಯ ಪಾಪಂಗಳನುಣಿಸುವೆಅಂತರಾತ್ಮನೆ ನಿನ್ನ ಮಹಿಮೆಗೆ ನಮೋ ಎಂಬೆ 1

ಮಠ್ಯತಾಳ

ಮುನ್ನ ನಿನ್ನ ಚರಣ ಕಮಲವ ನಂಬಿದೆಭವಭವಂಗಳಲಿ ಬಂದೆನೋಪನ್ನಗೇಶಶಯನ ಶ್ರೀಹರೇಇನ್ನು ಬಿಡೆನೊ ಬಿಡೆನಯ್ಯಾ ಸಂಪನ್ನಎನ್ನ ಗುಣ ದೋಷವರಸದೆಇನ್ನು ಕಾಯೊ ರಂಗವಿಠಲ 2

ರೂಪಕ ತಾಳ

ಕರಣಗಳು ಬಿಡದೆ ತಮ್ಮ ತಮ್ಮವಿಷಯಂಗಳಿಗೆ ಎಳವುತಲಿವೆಎನ್ನ ಹರಣ ನಿನ್ನದು ಕರುಣಾಕರನೇಈ ಧರೆ ರವಣ ಮಾಣಿಸೋ ಹರಿಯೇನಿನ್ನ ಚರಣ ಭಕುತರ ಶರಣನಾದೆನುಹೊರೆವುದು ಎನ್ನ ರಂಗವಿಠಲರೇಯ 3

ಅಟ್ಟತಾಳ

ಬಂದು ಬಂದು ನಾನಾ ಭವದಲ್ಲಿ ಬೆಂದೆನಯ್ಯನಂದನಂದನ ಇಂದಿರಾನಂದಕುಂದ ಶುದ್ಧ ಧವಳದಂತೆ ಮಂದಹಾಸನಂದನ ಕಂದ ಇಂದಿರಾನಂದಇಂದೆನ್ನ ಸಲಹಯ್ಯ ರಂಗವಿಠಲ 4

ಏಕತಾಳ

ಹರಿಯೇ ನಿನ್ನ ಒಮ್ಮೆ ನೆನೆದವನರಕವ ಹೊಗನಂತೆಆನು ಒಮ್ಮೆ ಇಮ್ಮೆ ನೆನೆವೆನಯ್ಯಆನು ನಿನ್ನ ನಂಬಿದೆ ಕರುಣಿಗಳರಸಹೊರೆದೆನ್ನ ಕಾಯೊ ರಂಗವಿಠಲ 5

ಜತೆಮಂಗಳ ಮಹಿಮ ಭುಜಂಗಶಯನ ನಮೋ ಜಂಗುಳಿ ದೈವದ ಗಂಡ ರಂಗವಿಠಲ