ನೀನೇ ದಯಾಳು ನಿರ್ಮಲಚಿತ್ತ neene dayalu nirmala

ನೀನೇ ದಯಾಳು ನಿರ್ಮಲಚಿತ್ತ ಗೋವಿಂದ

ನಿಗಮ ಗೋಚರ ಮುಕುಂದ ಪ

e್ಞÁನಿಗಳರಸು ನೀನಲ್ಲದೆ ಜಗಕಿನ್ನು

ಮಾನದಿಂದಲಿ ಕಾವ ದೊರೆಗಳ ನಾ ಕಾಣೆ ಅ.ಪ

ಬಗೆಬಗೆಯಲಿ ನಿನ್ನ ಸ್ತುತಿಪೆನೊ ನಗಧರ

ಖಗಪತಿವಾಹನನೆ ||

ಮಗುವಿನ ಮಾತೆಂದು ನಗುತ ಕೇಳುತ ನೀನು

ಬೇಗದಿಂದಲಿ ಕಾಯೋ ಸಾಗರಶಯನನೆ 1

ದಾನವಾಂತಕ ದೀನ ಜನ ಮಂದಾರನೆ

ಧ್ಯಾನಿಪರ ಮನದೊಳು ಸಂಚರನೆ ||

ಮೌನನಾದೆನು ನಿನ್ನ ಧ್ಯಾನಾನಂದದಿ ಈಗ

ಸಾನುರಾಗದಿ ಕಾಯೊ ಸನಕಾದಿ ವಂದ್ಯನೆ 2

ಮಂದರೋದ್ಧರ ಅರವಿಂದ ಲೋಚನ ನಿನ್ನ ||

ಕಂದನೆಂದೆನಿಸೂ ಎನ್ನ ||

ಸಂದೇಹವೇತಕೆ ಸ್ವಾಮಿ ಮುಕುಂದನೆ

ಬಂದೆನ್ನ ಕಾಯೊ ಶ್ರೀ ಪುರಂದರ ವಿಠಲನೆ 3