ಧರ್ಮ ದೊರಕುವದೇ |dharma dorakuvade

ಧರ್ಮ ದೊರಕುವದೇ ದುಷ್ಕರ್ಮಿಸತ್ತಿಯೊಳು
ಪುರುಷಾಧಮನಿಗೆ ಧರ್ಮ ದೊರಕುವದೆ \\ಪ.\\

ಧನವಿದ್ದರೇನಯ್ಯ ಮನವಿಲ್ಲವು  ಮನವಿದ್ದರೇನಯ್ಯ ಧನವಿಲ್ಲವು |

ಧನವು ಮನವು ಯರಡುಂಡ್ಯಾದ ಮನುಜಗೆ ಅನುಕೂಲವಾದಂಥ ಸತಿಯಿಲ್ಲವಯ್ಯ \\1\\

ಧರ್ಮಯಾಗ ಮಾಡವ ಧರ್ಮ ನಾಳೆಯಾದೆನಬ್ಯಾಡನಾಳ್ಯಾರೊ
\ನಾವ್ಯಾರೊ ಯಲೊ ಮಾನವಾ 

 ಊಳಿಗದವ ಬಂದು ಬಾಬಾರೆಂದೆಳವಾಗ ಆಗ ಮಾಡುವೆನೆಂದರೆ
ದೊರಕುವುದೇ ಧರ್ಮ\\2\\

ಬಾಡಿಗೆ ಮನೆಯಂತೆಯೊ ದೇಹವ ನಚ್ಚಿ ಮಾಡುವೆ ಪರಿಪರಿಯಾಗವನು 

 ಈ ಬೀಡಬಿಟ್ಟು ಆ ಬೀಡ ಹೋದ ಮೇಲೆ ಆಗ ಮಾಡುವೆನೆಂದರೆ ದೊರಕುವದೆ \\3\\

ತನ್ನ ಕಣ್ಣ ಮುಂದೆ ಹೋಹ ಜೀವವ ಕಂಡು ಇನ್ನು ನಾಚಿಕೆಯಿಲ್ಲವೆ ತನಗೆ | 

ನನ್ನದು ನನ್ನದುಯೆಂಬ ಭ್ರಾಂತಿಯ ಬಿಟ್ಟು ಕುನ್ನಿ ದೇಹವನಚ್ಚಿ ಕೆಡಬ್ಯಾಡ ಮನುಜ\\4\\

ವಂದಾನೊಂದು ಪರಿಯಲ್ಲಿ ತೊಳಲಿ ಬಳಲಿ ಜೀವ ಮುಂದನ ಜನ್ಮಕೆ ಸಾಧನವು

ತಂದೆ ಶ್ರೀ ಪುರಂದರ ವಿಠಲರಾಯನನ ಸಂದೇಹವಿಲ್ಲದೆ ನೆನೆ ಕಂಡ್ಯಾ ಮನುಜ \\5\\