ಚಿತ್ತೈಸಿದ ವ್ಯಾಸರಾಯ chittaisida vyasaraya

ಚಿತ್ತೈಸಿದ ವ್ಯಾಸರಾಯ |

ಚಿತ್ತಜನಯ್ಯನ ಬಳಿಗೆ ಪ.

ಮುತ್ತಿ ಮುತ್ತೈದೆಯರೆಲ್ಲ

ಎತ್ತೆ ರತುನದಾರತಿಯ ಅಪ

ಹೇಮಪಿಡಿಗಳುಳ್ಳಂತಹ |

ಚಾಮರಂಗಳನು ಪಿಡಿದು ||

ಕಾಮಿನಿ ಮಣಿಯರು ಕೆಲವರು |

ಸ್ವಾಮಿಯೆಂದು ಬೀಸುತಿರೆ 1

ಹಾಟಕದ ಬೆತ್ತನೂರು |

ಸಾಟಿಯಿಲ್ಲದಲೆ ಪಿಡಿದು ||

ನೀಟಾದ ಓಲಗದವರ |

ಕೂಟಗಳ ಮಧ್ಯದಲಿ 2

ಸಾಧುವಿಪ್ರಜನಂಗಳು |

ವೇಧಘೋಷ ಮಾಡುತಿರೆ ||

ಮೋದದಿಂದ ಗೋವಿಂದನ |

ಸಾಧನ ಮಾರ್ಗವ ಪಿಡಿದು3

ಭೇರಿ ತುತ್ತೂರಿ ಮೃದಂಗ |

ಮೌರಿ ಚಾರುವೇದ್ಯಂಗಳು ||

ಬಾರಿಬಾರಿಗೆ ಹೊಡೆಯೆ |

ನಾರದರು ತಾ ಕೂಡಿಯೆ |4

ಅರವಿಂದಾಸನನಯ್ಯ |

ಪುರಂದರವಿಠಲನು||

ಸಿರಿಸಹಿತದಿ ಬಂದು |

ಕರಪಿಡಿದೆತ್ತಿದ್ದು ಕಂಡೆ 5