ಚೆಂದವ ನೋಡಿರೆ-ಗೋಕುಲಾ chendava nodire

ಚೆಂದವ ನೋಡಿರೆ-ಗೋಕುಲಾ-|

ನಂದನ ಮೂರುತಿಯ ಪ

ಅಂದುಗೆ ಪಾಡಗ ಗೆಜ್ಜೆಯ ಧರಿಸಿ |

ಧಿಂ ಧಿಂ ಧಿಮಿಕೆಂದು ಕುಣಿವ ಕೃಷ್ಣನ ಅ.ಪ

ಕೊರಳ ಪದಕಹಾರ ಬಿಗಿದು |

ತರಳರೆಲ್ಲರ ಕೂಡಿಕೊಂಡು ||

ಕುರುಳುಗೂದಲ ಅರಳೆಲೆತಿಯು |

ಮಿರು-ಮಿರುಗುತ ಮೆರೆವ ಕೃಷ್ಣನ 1

ಉಡೆಯ ಗಂಟೆ ಘಣಘಣೆನುತ |

ನುಡಿಯೆ ಮೆಲ್ಲನೆ ಪಿಡಿದುಕೊಂಡು ||

ನಡೆದಾಡುತ ಸಡಗರದಲಿ |

ಬೆಡಗ ಮಾಡಿ ಆಡುವ ರಂಗನ 2

ಬಲುಬಲು ಆಶ್ಚರ್ಯದಿಂದ |

ನಲಿವ ಪುರಂದರವಿಠಲರಾಯ ||

ಹಲವು ಸುಖವ ನಮಗೆ ಇತ್ತ |ಜಲಜಲೋಚನ ಬಾಲಕೃಷ್ಣನ 3